پرەمەر-مينيستر ولجاس بەكتەنوۆ اباي وبلىسىنداعى «سەمەي ورمانى» تابيعي رەزەرۆاتىندا جۇرگىزىلىپ جاتقان قالپىنا كەلتىرۋ جۇمىستارىن تەكسەردى، دەپ حابارلايدى aqshamnews.kz
وسى ساپارى بارىسىندا ول وتكەن جىلى ورتەنىپ كەتكەن 66 مىڭ گەكتار اۋماقتى قالپىنا كەلتىرۋ جانە الداعى ۋاقىتتا ورمان ورتتەرىنىڭ الدىن الۋ بويىنشا شارالاردى كۇشەيتۋ قاجەتتىگىن اتاپ ءوتتى.
پرەمەر-مينيستر اۋماقتىڭ جاڭا وسىمدىكتەرمەن قالپىنا كەلتىرىلۋىنىڭ جانە ورمان ءتالىمباعى كەشەندەرىنىڭ جۇمىسىن باعالادى. ونداعى زاماناۋي تەحنولوگيالار ارقىلى جىلىنا ءۇش ميلليونعا دەيىن قاراعاي كوشەتى وسىرىلەدى ەكەن. سونداي-اق، ورتەنگەن ورمان القاپتارىنداعى كۇيگەن اعاشتاردى جويۋ جانە قايتا وڭدەۋ جوبالارىنا ينۆەستيسيالار تارتىلىپ، ول ارقىلى جاڭا جۇمىس ورىندارى اشىلىپ، ەكولوگيالىق تۇراقتىلىقتى ساقتاۋ جولعا قويىلعان.
بەكتەنوۆ سونىمەن قاتار زاڭسىز اعاش كەسۋمەن كۇرەستى كۇشەيتۋ قاجەتتىگىن ايتتى، بۇل قىلمىستىق توپتارمەن بەلسەندى كۇرەسۋدى تالاپ ەتەدى. ول ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ بۇل باعىتتاعى جۇمىستارىن كۇشەيتۋ كەرەكتىگىن باسا كورسەتتى.
بۇل جۇمىستاردىڭ ءبارى قازاقستان ءۇشىن ۇلتتىق ماڭىزى بار ەكولوگيالىق تازالىقتى جانە ورمان قورعاۋىن ساقتاۋعا باعىتتالعان.