جەكە تاكسي قىزمەتىن كورسەتىپ جۇرگەن ادامنىڭ كىم ەكەنى انىقتالعان.
كولىك پوليسياسى يتاليالىق ازاماتشادان قوناقۇيگە جەتكىزگەنى ءۇشىن 45 مىڭ تەڭگە العان الماتىلىق تاكسيستىڭ كىم ەكەنىن انىقتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كولىكتەگى پوليسيا دەپارتامەنتىنىڭ مالىمەتىنشە، يتاليادان كەلگەن ازاماتشا الماتى اۋەجايىنان قوناقۇيگە جەتكىزگەنى ءۇشىن تاكسيسكە 45 مىڭ تەڭگە تولەگەن.
دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆتىڭ ايتۋىنا قاراعاندا، قالا تۇرعىنىنان شەتەل ازاماتىن اسا قىمبات باعامەن جەتكىزىپ تاستاعان جۇرگىزۋشىگە شارا قولدانۋ كەرەكتىگى تۋرالى ءوتىنىش تۇسكەن.
كوپ وتپەي جەدەل ىزدەستىرۋ شارالارى ناتيجە بەرىپ، جەكە تاكسي قىزمەتىن كورسەتىپ جۇرگەن ادامنىڭ كىم ەكەنى انىقتالعان.