الماتى قالاسىنىڭ قورعانىس ىستەرى جونىندەگى دەپارتامەنتى مەن بوستاندىق اۋدانىنىڭ قورعانىس ىستەرى جونىندەگى باسقارماسىنىڭ اسكەري قىزمەتشىلەرى ۇلى وتان سوعىسىنىڭ ارداگەرى اناتوليي نازاروۆيچ پوپوۆتى عاسىرلىق مەرەيتويىمەن قۇتتىقتادى، - دەپ حابارلايدى Aqshamnews.kz.
اسكەري ۆەدومستۆو وكىلدەرى ارداگەرگە قورعانىس ءمينيسترىنىڭ قۇتتىقتاۋ حاتى مەن ەستەلىك سىيلىقتار تابىستادى، - دەپ حابارلايدى Aqshamnews.kz.
ولار اناتوليي نازاروۆيچكە كورسەتكەن ەرلىگى، قايسارلىعى مەن اسكەري بورىشىنا ادالدىعى ءۇشىن العىس ايتىپ، زور دەنساۋلىق جانە ۇزاق عۇمىر تىلەدى. عاسىر جاساعان قارت مايدانگەر كورۋ، ەستۋ قابىلەتتەرىنىڭ السىرەگەنىنە قاراماستان، قوناقتاردى جىلى قابىلدادى. ارداگەردىڭ قىزى اسكەريلەرگە وتباسىنىڭ العىسىن ءبىلدىردى.
– اكەمىزگە كورسەتىلگەن قامقورلىق پەن ەرەكشە قۇرمەت ءۇشىن اسكەري قىزمەتشىلەرگە شىن جۇرەكتەن العىسىمىزدى بىلدىرەمىز. بۇل اكەمىز ءۇشىن دە، وتباسىمىز ءۇشىن دە وتە ماڭىزدى، – دەدى ناتاليا كوسولاپوۆا.
اناتوليي پوپوۆ 1926 جىلعى 13 قاڭتاردا الماتى وبلىسى قاسكەلەڭ قالاسىندا دۇنيەگە كەلگەن. سوعىس جىلدارىندا اسكەري بايلانىسشى ماماندىعىن مەڭگەرىپ، 2ء-شى پريبالتيكا مايدانىنىڭ قۇرامىندا شايقاسقان. ريگا تۇبىندەگى ۇرىستارعا قاتىستى.
اناتوليي نازاروۆيچ «ريگانى ازات ەتكەنى ءۇشىن»، «1941-1945 جىلدارداعى ۇلى وتان سوعىسىندا گەرمانيانى جەڭگەنى ءۇشىن» مەدالدارىمەن جانە باسقا دا مەرەيتويلىق ناگرادالارمەن ماراپاتتالعان. سوعىستان سول ول ساراتوۆ اسكەري-مەديسينالىق ۋچيليششەسىن ءبىتىرىپ، گەرمانيادا اسكەري قىزمەتىن جالعاستىردى. الماتىعا ورالعان سوڭ زەينەتكەرلىككە شىققانعا دەيىن سانيتارلىق-ەپيدەميولوگيالىق قىزمەتتە فەلدشەر بولىپ ەڭبەك ەتتى. ارداگەردى عاسىرلىق مەرەيتويمەن قۇتتىقتاۋ – ونىڭ جەڭىسكە قوسقان ەلەۋلى ۇلەسى مەن بەيبىت ومىردەگى قاجىرلى ەڭبەگىنە بىلدىرىلگەن زور قۇرمەت.