تۇنگى ساعات 01:00. الماتىداعى الاتاۋ اۋدانىن مۇلگىگەن تىنىشتىق باسقان. نۇركەنت ىقشاماۋدانىندا عانا ءبىر جازۋ كوزگە وتتاي باسىلادى: "24/7". ەسىگى جابىلمايتىن، شامى وشپەيتىن، ءتۇن ورتاسىندا دا ادام اياعى ۇزىلمەيتىن ورىن بار. بۇل - الاتاۋ كرەاتيۆ حاب كىتاپحاناسى. قالا ۇيقىعا كەتكەندە، مۇندا بىرەۋلەر ەمتيحانعا دايىندالادى، بىرەۋلەر جوباسىن اياقتايدى، ەندى بىرەۋلەر كىتاپ "كەمىرەدى". اqshamnews.kz تىلشىلەرى تىرشىلىگى توقتامايتىن كەڭىستىكتەن ارنايى فوتورەپورتاج ازىرلەپ قايتتى.
"شامى مۇلدە وشپەيتىن" كىتاپحانانىڭ تاريحى قانداي؟
الاتاۋ كرەاتيۆ حاب كىتاپحاناسى 2021 جىلى اشىلعان. ءبىراق ونىڭ الماتىداعى ەرەكشە مارتەبەسى كەيىن قالىپتاستى: 2023 جىلدان باستاپ كىتاپحانا تاۋلىك بويى، 24/7 رەجيمگە كوشىپ، "شامى مۇلدە وشپەيتىن" كەڭىستىككە اينالدى.
الاتاۋ كرەاتيۆ حابتىڭ جەتەكشىسى ساۋلە بابامۇراتوۆا مۇنداي وزگەرىستىڭ ماقساتىن ايتتى.
"قالا تۇرعىندارىنا بارىنشا قولايلى جاعداي جاساۋ، اسىرەسە تۇندە جۇمىس ىستەيتىندەرگە، دايىندىققا مۇقتاج جاستارعا مۇمكىندىك بەرۋ"
مۇندا كىتاپ وقىپ، جۇمىس ىستەيمىن دەگەندەرگە بار جاعداي جاسالعان: كىتاپحاناعا كىرۋ دە، Wi-Fi دا تەگىن.
كىرەبەرىستەن ءبىزدى - كۇزەت پەن سىرت كيىمدى قابىلدايتىن قىزمەتكەرلەر قارسى الدى. ءتۇن اۋاعان. ءبىراق ولاردىڭ كوزىندە ۇيقى جوق، قيمىلى شيراق. بۇل جەردىڭ ءتارتىبى دە، تىنىسى دا ۇزىلمەيتىنىن بىردەن ۇقتىق.
تىركەۋ ورنىندا قىزمەتكەر بىرنەشە وقىرمانعا قىزىق-قىزىق دەگەن كىتاپتاردى ۇسىنىپ جاتقانىن قۇلاعىمىز شالىپ قالدى. ونىڭ ەسىمى - راۋشان. ونىڭ ايتۋىنشا،
كىتاپحانا باسشىسى ساۋلە جاسۇر قىزىنىڭ ايتۋىنشا، بۇگىندە كىتاپحاناعا تاۋلىگىنە 300–400 ادام كەلەدى. ال تۇندە ورتاشا ەسەپپەن 60–70 وقىرمان بولادى.
الايدا قالادا ەمتيحان، سەسسيا، ۇبت باستالسا، كىتاپحانانىڭ دا تىنىسى وزگەرەدى. مۇنداي كۇندەرى كەلۋشىلەر سانى تاۋلىگىنە 500 ادامعا دەيىن ارتادى، ال تۇنگى اعىن 100-گە جەتەدى.
"كوڭىل سىيسا، ءبارى سىيادى. ءبىراق 500 ادام ءبىر مەزەتتە كەلمەيدى عوي، بىرەۋ كەتىپ، بىرەۋى كەلەدى. بارىنە ورىن تابۋعا تىرىسامىز. سوندىقتان ەشكىم قىسىلمايدى"
تۇندە كىتاپحانادا كوبىنە "ەرتەڭگە ۇلگەرۋ" كەرەك دەگەن ادامدار وتىرادى. مىسالى، ماۋلەن - ارحيتەكتور. ول كىتاپحاناعا تۇستە كەلگەن. ءبىز ونىمەن تۇنگى 1-دە سۇحباتتاستىق. ول مۇندا كۇندە كەلەتىنىن، جۇمىس ىستەۋگە وتە ىڭعايلى ەكەنىن جاسىرمايدى.
"كۇندىز ادام كوپ بولىپ كەتكەندە كەيدە توق جەتىسپەي قالادى. ايتپەسە، ءبارى ۇنايدى. ءبارى بار، ءبارى تەگىن"، - دەيدى ول.
تاعى ءبىر وقىرمان - رەجيسسەر. ول كەشكى 8-دەن بەرى كىتاپحانادا، سەبەبى كۇندىز ادام كوپ، ال كەشكە تىنىش. ول كىتاپحاناعا جاقىن تۇرادى. مۇندا كوبىنە شابىت الۋعا كەلەدى.
ءبىر قىزىعى، كىتاپحاناعا جەرگىلىكتى تۇرعىندار عانا ەمەس، شەتەلدىكتەر دە كەلەدى. كوبى - ءۇندىستان ازاماتتارى، ودان بولەك ەۋروپالىقتار دا ءجيى باس سۇعادى.
ساۋلە بابامۇراتوۆا
بۇل جەر "وزىنەن-وزى" جۇمىس ىستەمەيدى: كىتاپحانادا 21 قىزمەتكەر ەڭبەك ەتەدى، ال تۇنگى اۋىسىمدا 4 ادام قالادى.
"تۇنگى قىزمەتكەرلەر 2/2 جۇمىس كەستەسى بويىنشا ىستەيدى. ولاردىڭ ەڭبەكاقىسى ەكى ەسەلەنەدى. تاعى ءبىر ءتارتىپ بار: تۇنگى ءتورت قىزمەتكەر اي سايىن اۋىسىپ وتىرادى، ال تۇندە ىستەمەگەن كەزدە كۇندىزگى اۋىسىمعا شىعادى"، - دەيدى ول ساۋلە حانىم.
كىتاپحانانىڭ ەكىنشى قاباتى - مۇندا ارنايى ءدارىس زالدارى، ابونەمەنت زالى، كونفەرەنسيا زالى بار - كەشكى 20:00-دەن كەيىن جابىلادى.
ابونەمەنت زالىنا بارىپ ۇلگەرمەي قالعاندارعا دا جاعداي جاسالعان. بۇل جەردە قالا بويىنشا 500 كىتاپپەن جابدىقتالعان ەڭ ۇلكەن اپپارات بار. ياعني، قالاعان كىتاپتىكەز كەلگەن ادام ەشكىمنىڭ كومەگىنسىز الا الادى.
كىتاپحانادا تۇندە دە بارلىق كومپيۋتەر جۇمىس ىستەپ تۇرادى. ونى تەكسەرىپ كوردىك. ءار قۇرىلعىعا ينتەرنەت تە قوسىلعان.
كىتاپحانانىڭ تاعى قانداي ەرەكشەلىكتەرى بار؟
ساۋلە جاسۇر قىزىنىڭ ايتۋىنشا، كىتاپحاناعا كەلۋشى قاريا مەن وقۋشىلاردىڭ ۇلەسى الدەقايدا ارتقان. ولار كوبىنە كىتاپ جيناعى كابينەتىندە وتىرادى. ەكىنشى قاباتتا تەرراسا دا بار: جازدا سامال جەل ەسىپ تۇرعان كەزدە كىتاپ وقۋعا تاپتىرماس ورىن.
ال كەشكى 8-گە دەيىن كوفەحانا قىزمەت كورسەتەدى. بۇل جەر "كىتاپ قويماسى" ەمەس، وقۋ مەن جۇمىسقا ىڭعايلانعان كەڭىستىك رەتىندە ويلاستىرىلعان.
كەلەسى كۇنى تاڭەرتەڭ اتموسفەرانى كورۋ ءۇشىن ساعات 10-دا قايتا كەلدىك. ءىشى ادامعا تولى. ەكىنشى قاباتتا بالالارىمەن كىتاپ وقىپ وتىرعان انا، ابونەمەنتتە كىتاپ اقتارىپ وتىرعان زەينەتكەر اجە - ءبارى ءوز الەمىندە وتىر.
كىتاپحانانىڭ تاعى ءبىر ەرەكشەلىگى - مۇندا بالالاردى كىتاپ وقۋعا ىنتالاندىرۋ جۇمىسى جاقسى ءجۇرىپ جاتىر. مىسالى، كىتاپ وقىپ، مازمۇنىن كىتاپحاناشىلارعا ايتىپ بەرگەن بالالارعا PlayStation ويناۋعا رۇقسات بەرىلەدى. بۇل - "وقۋ مىندەت" دەگەن ۇعىمدى "وقۋ - قىزىق" دەگەن سەزىمگە اۋىستىراتىن ءادىس.
بۇدان بولەك، مۇندا تۇرعىندارعا ارنالعان 20-دان اسا ۇيىرمەلەر وتەدى. مۇندا ءتىل ۇيرەنۋ كۋرستارى، روبوتوتەحنيكا، رەجيسسۋرا، IT باعىتىنداعى ساباقتار تەگىن ۇسىنىلادى.
ساۋلە بابامۇراتوۆا كىتاپحانادا تۇندە ءىرى ءىس-شارالار كوپ وتپەيتىنىن ايتتى. دەگەنمەن كەشكى 8-دە كينوكلۋب جوباسى ۇيىمداستىرىلادى: الدىن الا افيشا جاريالانىپ، "رەجيسسەر كۋرسىنىڭ" اياسىندا كينو تالقىلانادى نەمەسە فيلم كورسەتىلەدى. بولاشاقتا "تۇنگى كىتاپحانا" فورماتىنداعى شارالار وتكىزۋگە دە بولادى دەگەن جوسپار بار.
ايتا كەتەيىك، جاقىندا پرەزيدەنت قاسىم-جومارت توقايەۆ Turkistan گازەتىنە بەرگەن كولەمدى سۇحباتىندا قالا اكىمى دارحان ساتىبالدىعا الماتىنى نيۋ-يورك، ماسكەۋ، پاريج سياقتى "ەشقاشان كوز ىلمەيتىن قالاعا" اينالدىرۋعا تاپسىرما بەرگەنىن ايتقان ەدى.
كوپ ادام مۇنى ءدامحانا نەمەسە ويىن-ساۋىقپەن عانا بايلانىستىرۋى مۇمكىن. ءبىراق ۇيىقتامايتىن قالا - ەڭ الدىمەن مۇمكىندىك قالاسى.