الماتىلىق «قايرات» پەن كيپرلىك «پافوس» اراسىنداعى ماچ الدىندا ورتالىق ستاديونعا العاشقى جانكۇيەرلەر كەلە باستادى. كورەرمەندەر ءالى تولىق جينالىپ ۇلگەرمەسە دە، الماتىلىقتار ءوز اسەرلەرىن ءبولىسىپ، مۇنداي حالىقارالىق دەڭگەيدەگى ويىننىڭ ءدال الماتىدا ءوتۋى - ۇلكەن ماقتانىش ەكەنىن ايتتى، - دەپ حابارلايدى اqshamnews.kz ءتىلشىسى.
جانكۇيەر كونستانتيننىڭ سوزىنشە، بۇگىنگى كەزدەسۋ تەك سپورتتىق ناتيجە ءۇشىن ەمەس، الماتىنىڭ حالىقارالىق مارتەبەسىن ايشىقتاۋى تۇرعىسىنان دا ماڭىزدى:
"ءبىز ەرەكشە كەزەڭدە ءومىر ءسۇرىپ جاتىرمىز - الماتى حالىقارالىق سپورت ارەناسىنا اينالدى. بۇرىن مۇنداي ماچتاردى كورۋ ءۇشىن ەۋروپاعا بارۋ كەرەك ەدى، ال ءقازىر ەۋروپانىڭ ءوزى بىزگە كەلىپ وتىر. بۇل - قالامىز ءۇشىن ۇلكەن مارتەبە. ءوز ستاديونىمىزدا وسىنداي ساتكە كۋا بولۋ – ۇلكەن قۋانىش"، - دەيدى ول.
ال تاعى ءبىر جانكۇيەر ءاسانالى بۇل كەزدەسۋدىڭ تەك سپورتتىق ەمەس، رۋحاني ءمانى بار ەكەنىن اتاپ ءوتتى:
"بۇل جاي عانا ماچ ەمەس — الماتىعا دەگەن قۇرمەتتىڭ بەلگىسى. مۇنداي ويىندار ءبىزدىڭ قالامىزدىڭ دامىپ كەلە جاتقانىن، ەۋروپادان قوناقتار قابىلداپ، ۇلكەن فۋتبول تاريحىنىڭ ءبىر بولىگىنە اينالىپ جاتقانىمىزدى كورسەتەدى. ءبىز "قايراتقا“ سەنەمىز جانە مۇنىڭ ءبارى ءدال وسى ادەمى قالادا ءوتىپ جاتقانىنا قۋانىشتىمىز"، - دەدى ول.
ستاديون ءالى تولا قويماعانىمەن، ءار جانكۇيەردىڭ ءسوزى مەن كوڭىل كۇيىنەن قالاسىنا دەگەن سۇيىسپەنشىلىك پەن «قايراتقا» دەگەن سەنىم ايقىن سەزىلەدى.