الماتىلىق «قايرات» پەن كيپرلىك «پافوس» اراسىنداعى ماچ الدىندا ورتالىق ستاديونعا جانكۇيەرلەر جينالدى. ويىن الدىنداعى اتموسفەرا قانداي؟ اqshamnews.kz ءتىلشىسى وقيعا ورنىنان ەكسكليۋزيۆ فوتولار ۇسىنادى.
«قايراتقا» سەنىم ارتقان جانكۇيەرلەر
ويىنعا بىرنەشە ساعات قالسا دا، ورتالىق ستاديون ماڭىندا جانكۇيەرلەردىڭ قاراسى قالىڭ. جاستار دا، ورتا جاستاعىلار دا، ءتىپتى بالالارىمەن كەلگەن وتباسىلار دا كوپ. بارلىعىنىڭ جۇزىنەن قۋانىش، قوبالجۋ مەن ماقتانىش سەزىمى بايقالادى. جانكۇيەرلەر قولدارىنا تۋلارىن، شارفتارىن ۇستاپ، ۇرانداپ، ءان ايتىپ، كلۋبقا دەگەن شىنايى قولداۋلارىن ءبىلدىرىپ جاتىر.
الماسبەك باتىردىڭ ەرەكشە كولىگى كوزگە ءتۇستى
جانكۇيەرلەر اراسىندا الماسبەك ەسىمدى جانكۇيەر ءوزىنىڭ ارنايى بەزەندىرىلگەن كولىگىمەن كەلگەن. بۇل كولىك – كادىمگى كولىك ەمەس، «قايراتتىڭ» قوزعالمالى كورمەسى دەرسىڭ.
كولىك سىرتىنا كلۋبتىڭ لوگوتيپى سالىنىپ، سارى-قارا بوياۋلارمەن كومكەرىلگەن.
فۋتبول – وتباسىلىق مەرەكەگە اينالدى
ويىن الدىنداعى ەڭ اسەرلى كورىنىستەردىڭ ءبىرى – بالالارىمەن كەلگەن جانكۇيەرلەر. كوپتەگەن وتباسىلار بۇل ماچتى اسىعا كۇتىپ، ارنايى دايىندالىپ كەلگەن.
اكەسى مەن ۇلى بىردەي فۋتبولكالار كيىپ، اناسى مەن قىزى جالاۋشا ۇستاپ، فوتوعا ءتۇسىپ ءجۇر.
كلۋب اتريبۋتيكاسىنا سۇرانىس جوعارى
ستاديون سىرتىندا بىرنەشە شاعىن ساۋدا ورىندارى ورنالاسقان. مۇندا كلۋب جەيدەلەرى، شارفتارى، جالاۋشالار مەن قالپاقتار ساتىلىپ جاتىر.
جانكۇيەرلەر سۇيىكتى كوماندالارىنىڭ سيمۆوليكاسىن كەۋدەلەرىنە تاعىپ، ستاديونعا ەرەكشە دايىندىقپەن كىرمەك.
ويىن باستالماي جاتىپ-اق اتموسفەرا قىزا ءتۇستى. الماتىداعى ورتالىق ستاديون ماڭىندا شىنايى فۋتبول مەيرامى ءوتىپ جاتىر دەسە دە بولادى. جانكۇيەرلەر تەك جەڭىس ءۇشىن ەمەس، "قايراتقا" رۋح بەرۋ ءۇشىن جينالعان. ال ءبىز ماچتىڭ وزىنەن دە، ناتيجەسىنەن دە ءۇمىت كۇتەمىز.