الماتى قالاسىنىڭ № 7 قالالىق كلينيكالىق اۋرۋحاناسىندا گينەكولوگ –دارىگەرلەرى ايەلدەرگە دەنساۋلىعىن قالپىنا كەلتىرىپ قانا قويماي، وزىنە دەگەن سەنىمدىلىكتى ارتتىرۋعا كومەكتەسەتىن حيرۋرگيالىق وپەراسيا قىناپ پلاستيكاسىن ءساتتى جاساپ ءجۇر. گينەكولوگتار قىناپ پلاستيكاسىنىڭ فۋنكسيونالدىق جانە ەستەتيكالىق گينەكولوگيادا ءجيى قولدانىلۋىنا بايلانىستى وزەكتىلىگىن اتاپ وتەدى.
№7 قكا-نىڭ گينەكولوگيا بولىمشەسىنىڭ مەڭگەرۋشىسى ساۋلەش مۇحتار قىزى وسپانعالييەۆانىڭ ايتۋىنشا سوڭعى كەزدە ايەلدەر قاۋىمىنىڭ اراسىندا بۇل وپەراسياعا قىزىعۋشىلىق ارتا تۇسەدى: "كورسەتكىشتەرگە سايكەس، قىناپ پلاستيكاسى- قىناپ قابىرعالارىنىڭ السىزدىگى، جاسقا ەرەكشەلىگىنە بايلانىستى وزگەرىستەردىڭ بولۋى، سترەسس سالدارىنان نەسەپتىڭ ۇستاماۋى، كەيبىر تۋا بىتكەن جاعدايلار، قىناپتىڭ الدىڭعى نەمەسە ارتقى قابىرعاسىنىڭ ءتۇسىپ كەتۋى جانە جىنىستىق ءومىر ساپاسىنا قاناعاتتانباۋشىلىعى، قىناپتىڭ جىرتىلۋى مەن جاراقاتى بار ايەلدەرگە جاسالادى".
2025 جىلدىڭ باسىنان باستاپ № 7 قالالىق كلينيكالىق اۋرۋحانادا ءمامس اياسىندا جانە اقىلى نەگىزدە 25 قىناپ پلاستيكاسى وپەراسياسى جاسالدى.
№7 قكا-نىڭ گينەكولوگيا بولىمشەسىنە قىناپ قابىرعالارى تۇسكەن جانە ءومىر ءسۇرۋ ساپاسى تومەندەگەن ايەل پورتال ارقىلى جوسپارلى ەمدەۋگە جاتقىزىلدى.
ايەل بۇت ارالىعىندا بوگدە زاتتىڭ پايدا بولۋىنا، تۇشكىرگەن جانە كۇلگەن كەزدە ءزاردىڭ ۇستاماۋى، ءناجىستىڭ تولىق شىقپاۋىنا شاعىمداندى. پاسيەنت بەس بالانى تابيعي جولمەن بوسانعان، كەيىننەن سوزىلمالى ءىش قاتۋى پايدا بولعان، جىنىستىق ءومىرىنىڭ قيىنداعانىن جانە قاناعاتتانبايتىنىن ايتتى. پاسيەنت فيزيكالىق ىڭعايسىزدىقتارىمەن جانە مۇمكىندىكتەرى شەكتەۋلىمەن سوڭعى 6 جىل بويى ءومىر سۇرگەن، ول ءوزىنىڭ ارىپتەستەرىنىڭ وڭ پىكىرلەرىن ەستىمەيىنشە، جامباس مۇشەلەرىنىڭ ءتۇسىپ كەتۋىن قالپىنا كەلتىرۋ ءۇشىن وپەراسيا جاساۋدان ۇزاق ۋاقىت بويى تارتىنعان.
"ءبىز ەلەۋلى تىرتىقتىق وزگەرىستەردى، تىك ىشەك پەن قۋىق سياقتى كورشىلەس مۇشەلەردىڭ جاقىندىعىن ەسكەرە وتىرىپ، بارلىق ىقتيمال تاۋەكەلدەردى قاراستىردىق. كەزەڭ-كەزەڭمەن الدىڭعى جانە ارتقى كولپوتوميا، قۋىقتى ترانسپوزيسيالاۋ، ليەۆاتوروپلاستيكا، سونداي-اق بۇت ارالىق پلاستيكا جاسادىق. جاعدايدىڭ وتە كۇردەلىلىگىنە قاراماستان ءبارى ءساتتى ءوتتى"، - دەدى گينەكولوگ –دارىگەر دينا تۇرلىبايەۆا.
دارىگەرلەر وپەراسيانى تەحنيكالىق قيىندىقسىز، وپەراسيا كەزىندە ەڭ از قان كەتۋمەن جاسادى. پاسيەنت 7 كۇن وتكەن سوڭ قاناعاتتانارلىق جاعدايدا ۇيىنە شىعارىلدى.
"قىناپ تىندەرىنىڭ تونۋسىنىڭ، فۋنكسيالارىنىڭ جانە فورمالارىنىڭ تومەندەۋىن ەسكەرە وتىرىپ، قىناپ پلاستيكاسىنا دەگەن قاجەتتىلىك ولاردى قالپىنا كەلتىرۋدىڭ ماڭىزدى شەشىمىنە اينالۋدا. بۇل رەتتە ءبىز ءبىر مۇشەنىڭ قىزمەتىن قالپىنا كەلتىرۋمەن شەكتەلمەي، سونىمەن قاتار پاسيەنتتەردى ەستەتيكاعا، سيممەترياعا جانە پسيحولوگيالىق احۋالىنىڭ جاقسارۋىنا ەرەكشە ءمان بەرەمىز. وپەراسيادان كەيىن ايەلدەر تەك فيزيكالىق جاعدايى جاقسارعانىن عانا ەمەس، سونىمەن قاتار وزىنە دەگەن سەنىمدىلىگى نىعايعانىن ايتادى. قيىندىق پەن الاڭداۋشىلىق ارتتا قالادى، وتباسىنداعى قارىم-قاتىناس جاقسارادى"، - دەپ اتاپ ءوتتى گينەكولوگ-حيرۋرگ جىبەك جانالييەۆا.
دارىگەر جىبەك جانالييەۆانىڭ ايتۋىنشا، پاسيەنتتەر حيرۋرگيالىق ارالاسۋدان كەيىنگى العاشقى ءۇش ايدىڭ ىشىندە جىنىستىق ءومىر ساپاسىنىڭ جاقسارعانى، جىنىستىق قاتىناس كەزىندە اۋىرسىنۋ جانە قولايسىزدىقتىڭ كەتكەنى، نەسەپ شىعارۋدى باقىلاۋدىڭ قالپىنا كەلگەنى، ءوزىن-وزى باعالاۋدىڭ ارتقانى تۋرالى ايتقان. كىشى جامباس اعزالارىنىڭ اناتومياسى قالپىنا كەلگەننەن كەيىن، سوزىلمالى ينفەكسيالىق اۋرۋلاردىڭ ءقاۋپى تومەندەيدى.
جاقىندا اۋرۋحانانىڭ سايتىنا پاسيەنتتەن العىس حات كەلىپ ءتۇستى:
"ماعان تاماشا دارىگەر جىبەك رىسبەك قىزى جانالييەۆا قىناپ پلاستيكاسى وپەراسياسىن جاسادى: كەرەمەت بىلىكتى مامان، پاسيەنتتەرگە قامقورلىعى ەرەكشە. وپەراسيادان كەيىن 2،5 اي ءوتتى، ول ءالى جاعدايىمدى سۇراپ حابارلاسادى، قاجەتتى كەڭەستەر بەرەدى، وسى ۋاقىت ىشىندە ماعان جاقىن ادامىما اينالدى! جالپى بولىمشەنىڭ جۇمىسى جوعارى دەڭگەيدە ۇيىمداستىرىلعان. بولىمشەنىڭ بارلىق قىزمەتكەرلەرىنە العىسىم شەكسىز!" - دەپ جازدى ول.
№7 قالالىق كلينيكالىق اۋرۋحانا ماماندارىنىڭ كۇش-جىگەرى مەن كاسىبي بىلىكتىلىگىنىڭ ارقاسىندا ايەلدەر دەنساۋلىعىن قالپىنا كەلتىرۋ مۇمكىندىگىنە يە بولىپ، كۇردەلى جەكە پروبلەماسىنىڭ شەشىمىن تاۋىپ جاتىر.