جاقىندا الماتى كوللەدجدەرىنىڭ قۇراما كومانداسى ستۋدەنتتەرى استانادان ورالدى. ولار WorldSkills Almaty تاريحىندا العاش رەت «WorldSkills Kazakhstan 2025» X رەسپۋبليكالىق چەمپيوناتىندا ءبىرىنشى ورىنعا يە بولدى. بۇل مەرەكەلىك، ەل ءۇشىن شەشۋشى كاسىپتىك شەبەرلىك تۋرنيرىندە الماتى قۇراماسىن WorldSkills Kazakhstan تەحنيكالىق دەلەگاتى، الماتى كوپسالالى كوللەدجىنىڭ ديرەكتورى اسىلحان بەيسەتبايەۆ باسقاردى.
– اسىلحان قوسىلحان ۇلى، ءسىز WorldSkills Almaty ايماقتىق كەزەڭىندە ەكسپەرت قاۋىمداستىعىنا بىرنەشە جىل باسشىلىق جاساپ كەلەسىز، قالانى رەسپۋبليكالىق دەڭگەيدە ۇسىناسىز جانە چەمپيوناتتىڭ ەرەكشەلىكتەرىن جاقسى بىلەسىز. الماتى ستۋدەنتتەرى جەڭىسكە قالاي جەتتى؟
WorldSkills Kazakhstan 2025 «جۇمىسشى كاسىپتەر جىلىنىڭ» ەڭ ماڭىزدى وقيعالارىنىڭ بىرىنە اينالدى. بۇل تەك جارىس عانا ەمەس، سونىمەن قاتار جۇمىسشى ماماندىقتار بەدەلىن ارتتىرۋعا، جاستاردىڭ ءوز بولاشاعىنا دەگەن سەنىمدىلىگىن نىعايتۋعا، سونداي-اق كادرلاردى دايارلاۋ جۇيەسى، بيزنەس پەن مەملەكەت اراسىنداعى ارىپتەستىكتى دامىتۋعا باعىتتالعان ماڭىزدى كوممۋنيكاسيالىق الاڭ بولدى.
بۇل جىلى 53 التىن، 55 كۇمىس جانە 59 قولا مەدال، سونداي-اق 213 «ەرەكشە تابىستارى ءۇشىن» مەدالونى تاراتىلدى. ايتا كەتەيىك، جەڭىمپازدار 2026 جىلدىڭ قىركۇيەگىندە شانحايدا (قحر) وتەتىن الەم چەمپيوناتىنا ىرىكتەۋگە قاتىسادى. مۇنداي تۋرنيرلەر قازاقستاندا شىنايى كاسىپقويلار ۇرپاعى ءوسىپ كەلە جاتقانىن، ال جۇمىسشى ماماندىعى قۇرمەتكە، سۇرانىسقا جانە جاڭا مۇمكىندىكتەرگە جول اشاتىنىن كورسەتەدى.
الماتى قالاسى 60 ۇپاي جيناپ، جالپى كوماندالىق ەسەپتە ءبىرىنشى ورىنعا يە بولدى. ءبىزدىڭ قۇرامامىزدىڭ اكتيۆىندە – 5 التىن، 5 كۇمىس، 3 قولا مەدال جانە 19 ۇزدىك مەدالونى بار.
بۇل جەتىستىك جۇيەلى، كەشەندى دايىندىقتىڭ ناتيجەسى بولدى. الماتى قالاسى ءبىلىم باسقارماسىنىڭ جاقسى ۇيلەستىرۋى، ەكسپەرت-كومپاتريوتتاردىڭ جوعارى دەڭگەيدەگى دايىندىعى، كوللەدجدەردەگى پراكتيكاعا باعىتتالعان وقىتۋ، جارىسۋشىلاردىڭ ماقساتتىلىعى مەن ەڭبەكسۇيگىشتىگى، WSA تەحنيكالىق كوميتەتىنىڭ قولداۋى ۇلكەن ءرول اتقاردى. ءبىز ستۋدەنتتەردىڭ كاسىپتىك دايارلىق دەڭگەيىنىڭ ايتارلىقتاي وسكەنىن بايقايمىز. جىل سايىن قاتىسۋشىلار سانىنىڭ ءوسۋى مەن قۇزىرەتتەردىڭ كەڭەيۋى WorldSkills قوزعالىسىنا دەگەن قىزىعۋشىلىقتىڭ ارتىپ كەلە جاتقانىن راستايدى.
– جەڭىمپازدار مەن جۇلدەگەرلەردىڭ اتتارىن اتاي الاسىز با؟
سوڭعى 4 جىل بويى ءبىزدىڭ قۇراما تۇراقتى تۇردە 2-ورىندا بولدى، بۇل جىلى الماتى كومانداسى باسقا وڭىرلەردىڭ باسەكەلەستەرىنە قاراعاندا سەنىمدى ارتىقشىلىق تانىتتى. كوللەدجدەر بويىنشا قورىتىندى تومەندە كەلتىرىلگەن.
الماتى مەملەكەتتىك بيزنەس-كوللەدجى
· كريستينا لاۋبەر – التىن، «نان ءوندىرۋ ءىسى»
الماتى قۇرىلىس-تەحنيكالىق كوللەدجى
· ەلدوس يلياس – التىن، «قۇرعاق قۇرىلىس جانە سىلاۋ جۇمىستارى»
· يلمۋرات كاريم – كۇمىس، «دانەكەرلەۋ تەحنولوگيالارى»
· حاكيمباي حالمۋراتوۆ – مەدالون، «پليتكامەن قاپتاۋ»
· ەلامان بايعوجايەۆ – مەدالون، «كىرپىش قالاۋ»
· ءابدىراحىم باۋىرجان ۇلى – مەدالون، «سىلاۋ جانە اشەكەيلەۋ جۇمىستارى»
ALMATY POLYTECHNIC COLLEGE
· دانيل ريابينۋشكين – التىن، «كومپيۋتەرلىك ويىنداردى 3D-مودەلدەۋ»
· جاسلان قاسىم – التىن، «بەينەمونتاج»
· ەرنار الماس ۇلى – كۇمىس، «ءموبيلدى قوسىمشالاردى ازىرلەۋ»
· دجاليل كاليموۆ – كۇمىس، «ۆەب-تەحنولوگيالار»
· دەنيس شاپوۆالوۆ – مەدالون، «ەلەكترونيكا»
· دانييل دوروشكيەۆيچ، دميتريي ەنين – مەدالون، «ءموبيلدى روبوتوتەحنيكا»
· سۇلتان ءسۇيىمقۇلوۆ، ەراسىل باسىمبەك – مەدالون، «مەحاترونيكا»
· ەفە مۋت – مەدالون، «پروتوتيپتەۋ»
· ارمان ەلەۋ – مەدالون، «ينجەنەرلىك سىزبا CAD»
· ارينا گۋستەنكو – مەدالون، «1س پلاتفورماسىندا بيزنەس-پروسەستەردى اۆتوماتتاندىرۋ»
· ازامات سادىقجان – مەدالون، «جەلىلىك جانە جۇيەلىك اكىمشىلەۋ»
الماتى گۋمانيتارلىق-پەداگوگيكالىق كوللەدجى №2
· ارياننا سولداتوۆا – التىن، «مەكتەپكە دەيىنگى تاربيە»
الماتى كوپسالالى كوللەدجى
· ابىلاي سەرىكحان – كۇمىس، «سۋىتۋ جانە جەلدەتۋ تەحنيكاسىن قىزمەت كورسەتۋ»
الماتى قالاسىنىڭ يننوۆاسيالىق تەحنيكالىق كوللەدجى
· ياروسلاۆ ارتەميەۆ، دامير ۋسمانوۆ – كۇمىس، «اقپاراتتىق قاۋىپسىزدىك»
· سانجار تۇرسىنباي – قولا، «بيزنەسكە IT-شەشىمدەر»
الماتى جولاۋشىلار تاسىمالى جانە تەحنولوگيالار كوللەدجى
· يليا بابويەۆ – قولا، «باس-ستانوكتاردا فرەزەرلەۋ جۇمىستارى»
· دميتريي پروكوپەنكو – مەدالون، «باس-ستانوكتاردا توكارلىق جۇمىستار»
· انفيسا پولۋشكينا – مەدالون، «شاشتاراز ونەرى»
الماتى تەلەكوممۋنيكاسيا جانە ماشينا جاساۋ كوللەدجى
· اندرەي بوريسوۆ – قولا، «اكت جەلىلەرىنىڭ ينفراقۇرىلىمى»
الماتى اۆتوموبيل جانە ءسان يندۋسترياسى كوللەدجى
· كارينا دۋيسەبايەۆا – مەدالون، «ءسان تەحنولوگياسى»
الماتى سەرۆيس جانە تەحنولوگيالار كوللەدجى
· گۇلدانا ءامىرالى – مەدالون، «ساندىق مودەلدەۋ»
كازگاسا كوللەدجى
· نيكيتا دزيۋبا – مەدالون، «ۆيزۋالدى مەرچاندايزينگ جانە ۆيترينيستيكا»
الماتى ەنەرگەتيكا جانە ەلەكتروندى تەحنولوگيالار كوللەدجى
· ادىلەت مۇقاي ۇلى – مەدالون، «ونەركاسىپتىك اۆتوماتتاندىرۋ»
تۋريزم جانە مەيمانقوناق يندۋسترياسى كوللەدجى
· گلەب لۋشنيكوۆ – مەدالون، «اسپازدىق ءىس»
· زەرە كەنتاي – مەدالون، «مەيرامحانا قىزمەتى»
الماتى قازاق گۋمانيتارلىق-پەداگوگيكالىق كوللەدجى №1
· اياۋلىم ءتاجىمان – مەدالون، «باستاۋىش سىنىپ وقىتۋ»
– شىنىمەن دە اسەرلى ءتىزىم. مەرەكەلىك چەمپيوناتتىڭ تاعى قانداي ماڭىزدى ناتيجەلەرى بولدى؟
نەگىزگى جەتىستىكتەردىڭ ءبىرى WSK-2025 ەكسپەرت قاۋىمداستىعىنىڭ كەلەسى «WorldSkills Kazakhstan 2026» رەسپۋبليكالىق چەمپيوناتىنا باس ەكسپەرتتەردى تاعايىنداۋ تۋرالى شەشىمى بولدى. الماتىدان سەگىز مامان بۇل لاۋازىمدارعا سايلاندى:
«جەڭىل كولىكتەردى جوندەۋ جانە قىزمەت كورسەتۋ» – تانشولپان تۇلەندييەۆا، الماتى كوپسالالى كوللەدجى
· «دانەكەرلەۋ تەحنولوگيالارى» – عاني كادىر
· «قۇرعاق قۇرىلىس جانە سىلاۋ جۇمىستارى» – باۋىرجان مۇحامەدجانوۆ (ەكەۋى دە – الماتى قۇرىلىس-تەحنيكالىق كوللەدجى)
· «قوناق ءۇي قابىلداۋ قىزمەتكەرى» – اقەركە تولەگەن، «ادىلەت» كوللەدجى
· «ينجەنەرلىك سىزبا CAD» – اعىزامبەك قابىلبەك
· «جەلىلىك جانە جۇيەلىك اكىمشىلەۋ» – ايبەك المابەك ۇلى
· «كومپيۋتەرلىك ويىندار ءۇشىن 3D-مودەلدەۋ» – جانسايا باقىتبەكوۆا (ۇشەۋى دە – ALMATY POLYTECHNIC COLLEGE)
· «ءموبيلدى قوسىمشالاردى ازىرلەۋ» – ادجان سەرىكبولسىن، يننوۆاسيالىق-تەحنيكالىق كوللەدج
قورىتىندىلاي كەلە ايتارىن: «WorldSkills Kazakhstan» رەسپۋبليكالىق چەمپيوناتى جىل سايىن بارلىق پارامەترلەر بويىنشا ءوسۋ كورسەتىپ كەلەدى – قاتىسۋشىلاردىڭ كاسىپقويلىعى، دايىندىق ساپاسى، ۇيىمداستىرۋ شارتتارى. مۇنىڭ ءبارى تەحنيكالىق جانە كاسىپتىك ءبىلىم بەرۋ ساپاسىن ارتتىرۋعا، الماتىلىق مامانداردىڭ باسەكەگە قابىلەتتىلىگىنىڭ وسۋىنە جانە قازاقستان ەكونوميكاسىنىڭ دامۋىنا اسەر ەتەدى.
ءتورت جىل بويى مەن، الماتى قالاسىنان WorldSkills Kazakhstan تەحنيكالىق دەلەگاتى رەتىندە، ارىپتەسىم – الماتى قۇرىلىس-تەحنيكالىق كوللەدجىنىڭ ديرەكتورى بەكتۇرعان احمەتوۆپەن بىرگە قۇرامامىزدى ەل بويىنشا وڭىرلەر اراسىندا جەتەكشى ورىندارعا دايەكتى جانە ماقساتتى تۇردە جىلجىتتىق. ءۇش جىل قاتارىنان الماتى ەكىنشى ورىندى يەلەنىپ، دايىندىقتىڭ جوعارى دەڭگەيىن، ەكسپەرتتەردىڭ كاسىپقويلىعىن جانە جارىسۋشىلارىمىزدىڭ ماقساتتىلىعىن راستادى. ال ەندى مەرەكەلىك جىلدا جانە سونىمەن قاتار ەل پرەزيدەنتى جاريالاعان «جۇمىسشى كاسىپتەر جىلىندا» الماتى قالاسىنىڭ قۇراماسى سەنىمدى جانە لايىقتى تۇردە ءبىرىنشى ورىندى جەڭىپ الىپ، چەمپيوناتتىڭ ءسوزسىز كوشباسشىسىنا اينالدى.
چەمپيوناتتى ۇيىمداستىرۋشىلارعا: ق ر وقۋ-اعارتۋ مينيسترلىگىنىڭ «Talap» ب ا ق، قالا اكىمدىگىنە، الماتى قالاسى ءبىلىم باسقارماسىنا، ەكسپەرت-كومپاتريوتتارعا، تالىمگەرلەرگە، سەرىكتەستىك ۇيىمدارعا، كوللەدجدەرگە جانە وسى جەتىستىككە قاتىسى بار بارلىق ادامدارعا العىسىمدى بىلدىرەمىن. سىزدەردىڭ ۇلەسىڭىز ەلدىڭ ەكونوميكالىق دامۋى مەن جاڭا يندۋستريالىق سەرپىنىنىڭ ماڭىزدى بولىگى بولىپ تابىلادى.