ق ر ءىىم ۇلتتىق ۇلاننىڭ الماتى قالاسىنداعى كەڭەس وداعىنىڭ باتىرى، گۆارديا پولكوۆنيگى باۋىرجان مومىش ۇلى اتىنداعى 5571 اسكەري بولىمىنە كۇزگى شاقىرىلىمنىڭ العاشقى ساربازدارى كەلدى.
العاشقى لەك قاراعاندى جانە اقتوبە قالالارىنان جەتكىزىلدى. جاس تولىقتىرۋلاردى اسكەري ءبولىمنىڭ جەكە قۇرامى سالتاناتتى تۇردە قارسى الدى.
ءبولىم كومانديرى پولكوۆنيك ماقسات بايماعۇلوۆ ساربازدارمەن ارنايى جۇزدەسىپ، قۇتتىقتاۋ ءسوزىن ايتتى.
"بۇگىن سىزدەر ۇلتتىق ۇلان ساپىنا قوسىلىپ، ابىرويلى ءارى جاۋاپتى قىزمەت جولىنا قادام باستىڭىزدار. اسكەري ءتارتىپتى قاتاڭ ساقتاپ، وتانعا ادال قىزمەت ەتەسىزدەر دەپ سەنەمىن. ءبولىمىمىز ءاربىر ساربازدىڭ شىڭدالىپ، ناعىز جاۋىنگەر بولىپ قالىپتاسۋىنا بارلىق جاعداي جاسايدى"، - دەدى ءبولىم كومانديرى.
كەلگەن جاس ساربازدار ءۇشىن العاشقى تۇسىندىرمە ساباقتارى ۇيىمداستىرىلىپ، اسكەري فورما جيىنتىعى بەرىلدى. ەندى ولار جاس ساربازداردى وقىتۋ پۋنكتىندە باستاپقى جاۋىنگەرلىك دايىندىقتان وتەدى. وقۋ باعدارلاماسىن تولىق مەڭگەرگەن سوڭ، اسكەري انت قابىلدايدى.
انت قابىلداعاننان كەيىن ساربازدار الماتى قالاسىنىڭ قاۋىپسىزدىگى مەن قوعامدىق ءتارتىبىن قامتاماسىز ەتۋ مىندەتتەرىن ورىندايتىن بولىنىستەرگە بولىنەتىن بولادى.