قازاقستاندىق باپكەر ۆاديم بوروۆسكيي ماسكەۋدىڭ «سپارتاك» فۋتبول كلۋبىنىڭ جاتتىقتىرۋشىلار شتابىنا رەسمي تۇردە قوسىلدى، دەپ حابارلايدى اqshamnews.kz ءتىلشىسى.
مامان شەتەلدىك گراندتىڭ باپكەرلىك قۇرامىنا شاقىرتۋدى كوپتەن كۇتكەنىن ايتىپ، بۇل ونى ارمانىمەن توعىستىرعان ءسات ەكەنىن جەتكىزدى.
«سەنبى كۇنى مەن ءۇشىن جاڭا كەزەڭ باستالدى – “سپارتاك” باپكەرلەر شتابى قۇرامىنداعى العاشقى كۇنىم. بۇل – كوپتەن بەرگى ارمانىمنىڭ ورىندالۋى»، – دەدى بوروۆسكيي.
«سپارتاكتىڭ» باس باپكەرى – 47 جاستاعى رومانوۆ. Sport Schrodingera سايتىنىڭ حابارلاۋىنشا، بوروۆسكيي مەن رومانوۆ بۇعان دەيىن دە «سپارتاكتىڭ» جاستار كومانداسىندا بىرگە جۇمىس ىستەگەن.
ۆاديم بوروۆسكيي جاتتىقتىرۋشىلىق كارەراسىن «قايرات» اكادەمياسىنان باستاعان. ويىنشى رەتىندە ول «ءشاحتور»، «جەتىسۋ»، «اتىراۋ»، «قىزىلجار» جانە «الما-اتا» كلۋبتارىنىڭ نامىسىن قورعاعان.