بۇل تۋرالى قالا اكىمدىگىنىڭ باسپا ءسوز قىزمەتى مالىمدەدى.
الماتىدا بۇرىن "ساياحات" اۆتوۆوكزالى ورنالاسقان اۋماقتا تۇرعىن ءۇي كەشەنى سالىنۋى مۇمكىن، دەپ حابارلايدى Almaty-akshamy.kz
شەنەۋنىكتەردىڭ ايتۋىنشا، قازىرگى ۋاقىتتا اۆتوۆوكزال جەرى مەملەكەت مەنشىگىندە ەمەس. بىرنەشە جىل بۇرىن ونى جەكە كومپانيا ساتىپ العان.
"جەر ۋچاسكەسىنىڭ يەسى 2018 جىلعى 1 قازانداعى ساتىپ الۋ-ساتۋ شارتى نەگىزىندە Sayahat Realty ج ش س سانالادى. جەر تەلىمىنىڭ نىسانالى ماقساتى - كوممەرسيالىق ءۇي-جايلارى مەن جەراستى اۆتوتۇراعى بار كوپ فۋنكسيونالدى تۇرعىن ءۇي كەشەنى.
قازىرگى ۋاقىتتا الاڭ قورشالعان، قۇرىلىس-مونتاج جۇمىستارى جۇرگىزىلمەيدى. جوبا الدىنداعى قۇجاتتامانىڭ تولىق پاكەتى جوق"، - دەدى قالا قۇرىلىسىن باقىلاۋ باسقارماسى وكىلدەرى.
بۇعان دەيىن الماتىلىقتار "ساياحات" اۆتوۆوكزالى اۋدانىنداعى شەكتەۋلەرگە شاعىمدانعان بولاتىن. ولاردىڭ ايتۋىنشا، قالانىڭ قاق ورتاسىندا بەس گەكتار اۋماق تەمىر قورشاۋمەن قورشالعان جانە اۆتوتۇراققا رۇقسات جوق.