5 اقپاندا جەرگىلىكتى ۋاقىت بويىنشا شامامەن ساعات 09:50-دە قالىڭ قاردىڭ سالدارىنان حوروگ قالاسىنداعى نوسير حيسراۆ اتىنداعى ماحاللانىڭ تۇرعىن ۇيلەرىنە ۇلكەن قار كوشكىنى ءتۇستى.
بۇل تۋرالى تاجىكستان ۇكىمەتى جانىنداعى توتەنشە جاعدايلار جانە ازاماتتىق قورعانىس كوميتەتى حابار تاراتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قار كوشكىنى سالدارىنان 4 تۇرعىن ءۇي تۇتاستاي، 35 ءۇي جارتىلاي، 5 شارۋاشىلىق نىسانى قيرادى. گباو اۋماعىندا 14 ادام، ۆارزوب اۋدانى اۋماعىندا 1 ادام قازا تاپتى، 12 ادام ءتۇرلى دەنە جاراقاتتارىن الدى»، - دەلىنگەن حابارلامادا.
وبلىستىق توتەنشە جاعدايلار جونىندەگى كوميسسيا كەلتىرىلگەن شىعىندى انىقتاپ جاتىر.
سينوپتيكتەردىڭ بولجاۋىنشا، قار كوشكىنى ءقاۋپى 2023 جىلدىڭ 19 اقپانىنا دەيىن ساقتالادى.
تاجىكستان رەسپۋبليكاسىنىڭ ۇكىمەتى جانىنداعى توتەنشە جاعدايلار جانە ازاماتتىق قورعانىس كوميتەتى قازا بولعانداردىڭ وتباسىلارىنا كوڭىل ايتادى جانە تۇرعىنداردى ۇزاق ساپارلارعا، قار كوشكىنى جۇرەتىن ايماقتارعا بارماۋعا شاقىرىپ، ساق بولۋلارىن سۇرايدى.
بۇعان دەيىن كوميتەت سوڭعى كۇندەرى اۋا رايىنىڭ جىلىنۋى مەن جاۋىن-شاشىنعا بايلانىستى گباو-نىڭ باتىس ايماقتارىندا، گيسسار تاۋلارىندا، سونداي-اق دۋشانبە-حوروگ، دۋشانبە-حودجانت، دۋشانبە-لياحش، حوروگ-مۋرگاب، حوروگ-يشكاشيم اۋداندارىندا كوشكىن ءقاۋپى ساقتالاتىنىن حابارلاعان بولاتىن