الماتى قالاسىنىڭ الاتاۋ اۋدانىنىڭ اكىمى ازامات قالدىبەكوۆ وڭىرلىك كوممۋنيكاسيالار قىزمەتىندە وتكەن بريفينگتە 2021 جىلى قابىلدانعان حالىقتى الەۋمەتتىك قورعاۋ شارالارى تۋرالى ايتتى دەپ حابارلايدى almaty-akshamy.kz
ازامات قالدىبەكوۆ بۇگىندە اتاۋلى الەۋمەتتىك كومەكتى الاتاۋ اۋدانىنىڭ 1 794 وتباسى 624،4 ملن تەڭگەگە، ال تۇرعىن ءۇي كومەگىن 9،7 ملن تەڭگەگە 435 ءوتىنىش بەرۋشى العانىن حابارلادى.
- «ەڭبەك» مەملەكەتتىك باعدارلاماسى اياسىندا 4 764 ادام جۇمىسقا ورنالاستىرىلدى، ونىڭ ىشىندە الەۋمەتتىك جۇمىس ورىندارىنا – 196 ادام، قوعامدىق جۇمىس ورىندارىنا – 1 390 ادام، جاستار پراكتيكاسىنا 315 ادام جىبەرىلدى، 200 اەك كولەمىندە گرانتتار 153 ادامعا، تۇراقتى جۇمىس ورىندارىنا 2 698 ادام، ال جوبا بويىنشا العاشقى جۇمىس ورنىنا – 12 ادام ورنالاستىرىلدى، - دەدى الاتاۋ اۋدانىنىڭ اكىمى.
سپيكەر سونداي-اق ەنەرگوتيىمدىلىك جانە ينفراقۇرىلىمدىق دامۋ باسقارماسى مەن «حالىق بانك» اق بىرلەسكەن جوباسى اياسىندا اۋداننىڭ از قامتىلعان وتباسىلارىنىڭ 46 جەكە تۇرعىن ءۇيى ورتالىق گازبەن جابدىقتاۋعا قوسىلعانىن حابارلادى.