ءار ءسات - باقىت!
فيلوسوفتار «ادامنىڭ كوڭىلى – جاقسى ءسوز ەستىگەندە تىنىعادى» دەپتى. قاي زاماننان ءاربىر پەندە وزىنە جايلى دۇنيە ىزدەيتىنى زاڭدىلىق. ونى ءاربىر نارسەدەن اڭساۋى ىقتيمال. بالكىم – مۋزىكا. مۇمكىن – ماحاببات. ەندىگىسى – سۇيىكتى ءىس ت.ب. كىمگە قالاي ۇنايدى، ول – سولاي جاسايدى. وسىعان دەيىن وسى تاقىلەتتەس ويدى قوزعادىق. سونى ارمەن قاراي جالعاۋدى ءجون كوردىك.
ەنەرگيالى مۋزىكانىڭ اسەرى مول. سوڭعى ۋاقىتتارى نەشە ءتۇرلى جاندى جادىراتاتىن اندەر شىقتى. بۇگىندەرى ونى – «حيت» دەپ اتاپ ءجۇر. مىنە سولاردىڭ بىرەڭ-ساراڭىن ەستىسەڭىز، بىردەن ەس جياسىز. ومىرگە دەگەن ىنتاڭىز ارتادى. وسى كۇنى جاستار «كاۆەر» تىڭداعاندى سۇيەدى. بۇل – وتە جاقسى! جادىراپ، جارقىراپ جۇرۋگە سەپتەسەدى. عالىمداردىڭ ايتۋىنشا، مۇمكىندىگىنشە باياۋ ىرعاقتى اندەرگە كوپ بارماعان ءجون. ەگەر بەي بەرەكەت سوڭىنا تۇسسەڭىز، بىرتىندەپ سونداي كوڭىل-كۇيدى وزىڭىزگە قالىپتاستىراسىز. مۇنى دا تىڭداۋ كەرەك شىعار. ءبىراق – رەتىمەن.
توپشى. ويشىل مارك تۆەننىڭ ويى ماتەريال ءداپ كەلىپ تۇرعانداي. ول «بيلەگەندە، ساعان ەشكىم قاراپ تۇرماعانداي بيلە. ءان ايتساڭ، ەشكىم ەستىپ تۇرماعانداي ايت. جاقسى كورسەڭ، سەنىڭ ەشكىم كوڭىلىڭدى قالدىرماعانداي جاقسى كور. جانە بۇل ومىردە ءوزىڭدى جۇماقتا جۇرگەندەي سەزىن» دەيدى. وسى جەردەن تىزگىندى تارتتىق. اجارلى ادامعا ءبارى قۇمار. تۇسىنگەن ءۇشىن بارلىق جەر ءجۇزى اجارلى دەمەكپىز.