«الماتى قالاسىندا قاڭعىباس جانۋارلار سانىن ىزگىلىكپەن رەتتەۋدىڭ 2021-2024 جىلدارعا ارنالعان باعدارلاماسى» اياسىندا 9 مىڭعا جۋىق يت پەن مىسىقتى قامتيتىن ءۇي جانۋارلارىن تەگىن ءپىشتىرۋ جانە زارارسىزداندىرۋ باعدارلاماسى باستالادى. ول اعىمداعى جىلدىڭ سوڭىنا دەيىن جالعاسادى.
يتتەر مەن مىسىقتاردى زارارسىزداندىرۋعا جاس شەكتەۋى - 7 ايدان 9 جاسقا دەيىن، يتتەر مەن مىسىقتاردى زارارسىزداندىرۋعا - 6 ايدان 9 جاسقا دەيىن.
ءۇي جانۋارلارىن ءپىشتىرۋ جانە زارارسىزداندىرۋ قىزمەتى جانۋارلاردى الدىن الا كلينيكالىق تەكسەرۋ، وپەراسياعا قارسى كورسەتىلىمدەردى انىقتاۋ، پرەمەديكاسيا، انەستەزياعا ەنگىزۋ، وپەراسيا جۇرگىزۋ، سوراتىن تىگىس ماتەريالدارىن پايدالانۋ، باقىلاۋ ءۇشىن جانۋاردى كۇندىزگى ستاسيونارعا ورنالاستىرۋ، ىقتيمال اسقىنۋلاردى بولدىرماۋ ءۇشىن وپەراسيادان كەيىنگى مونيتورينگ سياقتى مانيپۋلياسيالاردى جۇرگىزۋدى قامتيدى.
باعدارلاماعا ۆەتەريناريالىق پاسپورتى جانە ءبىرىڭعاي ەسەپكە الۋ بازاسىنا ەنگىزۋ ءۇشىن ميكروچيپى بار جانۋارلار قاتىسا الادى. ميكروچيپ پەن ءتولقۇجات بولماعان جاعدايدا ولاردى اتالعان كلينيكالاردىڭ كەز كەلگەنىنەن قوسىمشا اقىعا ساتىپ الۋعا بولادى.
يتتەر مەن مىسىقتاردى تەگىن پىشتىرەتىن مەن زارارسىزداندىراتىن ۆەتەرينارلىق كلينيكالاردىڭ مەكەنجايلارى:
1. «Mastino» ۆەتەرينارلىق كلينيكاسى مەكەنجايى: ەسەنبەرلين كوشەسى، 217
تەلەفون: 8 (700) 327-44-89
whatsapp بويىنشا جازىلۋ قاجەت
2. «ايبوليت» ۆەتەرينارلىق كلينيكاسى مەكەنجايى: اباي داڭعىلى،26
تەلەفون: 8 (708) 972 02 07
ءۇي جانۋارلارىن ءپىشتىرۋ جانە زارارسىزداندىرۋ جونىندەگى مەملەكەتتىك باعدارلاماعا قاتىساتىن ۆەتەريناريالىق كلينيكالار تۋرالى قوسىمشا اقپارات وسى قىزمەتتەرگە شارتتار جاسالۋىنا قاراي ۇسىنىلاتىن بولادى.