الماتىدا تۇتىنۋشىلاردىڭ قۇقىقتىق ساۋاتتىلىعىن ارتتىرۋعا باعىتتالعان الەۋمەتتىك جوبا ءوز مارەسىنە جەتتى.
الماتى قالاسى قوعامدىق دامۋ باسقارماسىنىڭ قولداۋىمەن جانە "AMANAT" پارتياسى جانىنداعى "جاستار رۋحى" جاستار قاناتىنىڭ ۇيىمداستىرۋىمەن 2025 جىلدىڭ ءساۋىر-قازان ايلارى ارالىعىندا جۇزەگە اسقان "تۇتىنۋشىلاردىڭ قۇقىعىن قورعاۋ" جوباسى تابىستى اياقتالدى.
جوبا اياسىندا قالا جاستارى مەن تۇرعىندارىنىڭ تۇتىنۋشىلىق مادەنيەتىن قالىپتاستىرۋ، زاڭدىق ءبىلىمىن ارتتىرۋ باعىتىندا ءبىرقاتار كەشەندى ءىس-شارالار ۇيىمداستىرىلدى.
12 جوعارى وقۋ ورنىندا 1000-عا جۋىق ستۋدەنتتىڭ قاتىسۋىمەن اقپاراتتىق دارىستەر ءوتتى. لەكتور-زاڭگەرلەر تۇتىنۋشىلاردىڭ قۇقىقتارىن قورعاۋ تەتىكتەرى مەن زاڭ نورمالارىن ءتۇسىندىرىپ، ناقتى مىسالدار ارقىلى كەڭەس بەردى.
سونىمەن قاتار، 50-دەن استام ساۋدا ورتالىقتارى، بازارلار جانە قوعامدىق ورىنداردا كەڭ اۋقىمدى ءتۇسىندىرۋ اكسيالارى ۇيىمداستىرىلىپ، 2000-عا جۋىق الماتىلىق قامتىلدى. ازاماتتارعا ساپالى قىزمەت پەن ءادىل ساۋدانى تالاپ ەتۋ جولدارى ءتۇسىندىرىلدى.
جوبا شەڭبەرىندە ارنايى جەدەل جەلى جۇمىس ىستەپ، تۇتىنۋشىلاردان كەلىپ تۇسكەن 150-گە جۋىق ساۋالعا زاڭگەرلىك كەڭەس بەرىلدى. بۇعان قوسا، ارنايى الەۋمەتتىك بەينەروليك ازىرلەنىپ، ول حالىققا قىزمەت كورسەتۋ ورتالىقتارىندا جانە وقۋ ورىندارىندا كورسەتىلدى.
"تۇتىنۋشىلاردىڭ قۇقىقتىق ساۋاتتىلىعىن ارتتىرۋ – ءادىل نارىق پەن ساپالى قىزمەتتىڭ باستى كەپىلى. بۇل باعىتتاعى جۇمىس الداعى ۋاقىتتا دا جالعاسىن تابادى"، – دەيدى جوبا ۇيىمداستىرۋشىلارى.
قازاننىڭ اياعىندا جوبانىڭ قورىتىندىسىنا ارنالعان دوڭگەلەك ۇستەل وتكىزىلىپ، اتقارىلعان جۇمىستار مەن ۇسىنىستار بويىنشا ەسەپتىك اقپارات ۇسىنىلماق.