13–20 قازان ارالىعىندا الماتى قالاسىندا وتباسىلىق-تۇرمىستىق زورلىق-زومبىلىقتىڭ الدىن الۋعا باعىتتالعان «تۇرمىستىق پروفيلاكتيكا» اتتى جالپىقالالىق جەدەل-پروفيلاكتيكالىق ءىس-شارا ءوتىپ جاتىر.
باستى ماقسات – وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتاردىڭ الدىن الۋ، ازاماتتاردىڭ قۇقىقتىق ساۋاتتىلىعىن ارتتىرۋ جانە قالا تۇرعىندارىنىڭ قاۋىپسىزدىگىن قامتاماسىز ەتۋ.
مەدەۋ اۋداندىق پوليسيا باسقارماسىنىڭ وتباسىلىق-تۇرمىستىق زورلىق-زومبىلىققا قارسى كۇرەس توبىنىڭ قىزمەتكەرلەرى اۋدان تۇرعىندارىمەن كەزدەسىپ، ءاقپاراتتىق-تۇسىندىرۋ جۇمىستارىن جۇرگىزۋدە. اڭگىمەلەسۋ بارىسىندا ماماندار تۇرمىستىق زورلىق-زومبىلىقتىڭ الدىن الۋ، ايەلدەر مەن بالالاردىڭ قۇقىقتارىن قورعاۋ جانە قوعامداعى وتباسىنىڭ ءرولىن نىعايتۋ ماسەلەلەرىنە ەرەكشە نازار اۋدارۋدا.
2025 جىلدىڭ 9 ايىنىڭ قورىتىندىسى بويىنشا، مەدەۋ اۋدانىندا پوليسيا قىزمەتكەرلەرى 650 قورعاۋ نۇسقاماسىن جانە 85 ەرەكشە تالاپتى سوت شەشىمىمەن بەكىتكەن. بۇل شارالار تۇرمىستىق قۇقىق بۇزۋشىلىقتاردىڭ قايتالانۋىنا جول بەرمەۋ جانە وتباسى مۇشەلەرىنىڭ قاۋىپسىزدىگىن قامتاماسىز ەتۋگە باعىتتالعان.
وتباسىلىق زورلىق-زومبىلىققا قارسى كۇرەس بولىمشەسىنىڭ باستىعى قوجانوۆا ايگەرىم سەرىكباي قىزىنىڭ ايتۋىنشا، ءبولىم قىزمەتكەرلەرى ەسەپتە تۇرعان تۇلعالارمەن جانە وتباسىندا ءجيى داۋ-جانجال تۋىندايتىن ازاماتتارمەن جەكە پروفيلاكتيكالىق جۇمىستار جۇرگىزەدى.
پوليسيا وكىلدەرى تۇرعىنداردى مۇنداي جاعدايلارعا بەيجاي قاراماۋعا شاقىرادى. ەگەر تۇرمىستىق زورلىق-زومبىلىق فاكتىلەرى ورىن السا، ازاماتتار 102 ءنومىرى ارقىلى پوليسياعا، سونداي-اق 150 نەمەسە 111 سەنىم تەلەفوندارىنا حابارلاسا الادى.
مۇنداي ءىس-شارالار تۇرمىستىق زورلىق-زومبىلىقتىڭ الدىن الۋ، قۇقىق بۇزۋشىلىقتاردى ازايتۋ جانە قوعامداعى قاۋىپسىزدىك دەڭگەيىن ارتتىرۋعا باعىتتالعان.