قۇرمەتتى جىر سۇيەر قاۋىم! 2024 جىلدىڭ 25-28 قىركۇيەك ارالىعىندا الماتى قالاسى مادەنيەت باسقارماسىنىڭ قولداۋىمەن، حالىقارالىق “تۇرىكسوي” ۇيىمى جانە "تۇلعا-دوستىق" قوعامدىق قورى الماتى قالاسىندا «تۇركى دۇنيەسى جاس اقىندارىنىڭ حالىقارالىق پوەزيا فەستيۆالىن» ۇيىمداستىرادى.
فەستيۆالدىڭ ماقساتى:
- تۇركى دۇنيەسىنىڭ بىرلىگىن ناسيحاتتاۋ؛
- تۇركى دۇنيەسى جاس اقىندارىنىڭ بايلانىسىن نىعايتۋ؛
- تۇركى دۇنيەسىنىڭ ادەبيەتى مەن مادەنيەتىن دارىپتەۋ؛
- جاس اقىنداردىڭ كوزقاراسىن كەڭەيتىپ، جاڭا شىعارمالاردىڭ جازىلۋىنا ىقپال ەتۋ.
بۇل مادەني شاراعا قازاقستان، تۇركيا، ازەربايجان، وزبەكستان، قىرعىزستان جانە تۇركىمەنستان سەكىلدى تۇركى ەلدەرىنەن جاس اقىندار قاتىسادى. فەستيۆالدىڭ اشىلۋ سالتاناتىنا مادەنيەت سالاسىنىڭ باسشىلارى، حالىقارالىق «تۇرىكسوي» ۇيىمىنىڭ باس حاتشىسى سۇلتان رايەۆ، قىرعىزستان جازۋشىلار وداعىنىڭ ءتوراعاسى قانابەك يمانالييەۆ جانە قازاقستان جازۋشىلار وداعىنىڭ ءتوراعاسى مەرەكە قۇلكەنوۆ پەن باسقا دا زيالى قاۋىم وكىلدەرى قاتىسادى.
سىزدەردى 26 قىركۇيەك كۇنى ساعات 11:00-دە جەتىسۋ اۋدانىنداعى "پوەزيا اللەياسىندا" وتەتىن فەستيۆالدىڭ سالتاناتتى اشىلۋىنا جانە سول كۇنى ساعات 17:00-دە “الاتاۋ” ءداستۇرلى ونەر تەاترىندا وتەتىن جىر كەشىنە شاقىرامىز.
ءبىز سىزدەردى اسىعا كۇتەمىز! اقىندار شاھارى الماتىعا جىر جاۋعان ءساتتىڭ كۋاسى بولىڭىزدار!