الماتى وبلىسىندا رەسپۋبليكالىق «SportArtFest» بايقاۋىنىڭ فينالى ءوتتى.
ءىس-شارا ق ر مادەنيەت جانە اقپارات مينيسترلىگىنىڭ قولداۋىمەن «Ules» جوباسى اياسىندا ۇيىمداستىرىلدى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
بايقاۋدىڭ ماقساتى – جاستاردى زياتكەرلىك جانە شىعارماشىلىق تۇرعىدا دامىتۋ، سونىمەن قاتار جاستار اراسىندا سالاۋاتتى ءومىر سالتىن ناسيحاتتاۋ.
رەسپۋبليكالىق بايقاۋدىڭ ىرىكتەۋ كەزەڭىنە ەلىمىزدەگى 500-دەن استام ەلدى مەكەننەن 10 مىڭعا جۋىق جاس قاتىستى. ۇزدىك 20 كوماندا فينالعا جولداما الدى. قاتىسۋشىلار ءۇش كۇن بويى زياتكەرلىك جانە شىعارماشىلىق جارىستاردا ب ا ق سىناستى.
بايقاۋ قورىتىندىسى بويىنشا جەتىسۋ وبلىسىنىڭ «Tau stars» كومانداسى ءبىرىنشى ورىن، جامبىل وبلىسىنىڭ «شۋ جاستارى»كومانداسى ەكىنشى ورىن السا، ءۇشىنشى ورىندى اتىراۋ وبلىسىنىڭ «Firdaus» كومانداسى يەلەندى. جەڭىمپازدار العىس حاتتارمەن جانە اقشالاي سىيلىقتارمەن ماراپاتتالدى. بايقاۋدىڭ جۇلدە قورى – 1 600 000 تەڭگە.