ءازىربايجان پرەزيدەنتى يلحام الييەۆتىڭ قازاقستانعا رەسمي ساپارى بارىسىندا مەملەكەت باسشىسى قاسىم-جومارت توقايەۆ ەكى ەلدىڭ قارىم-قاتىناسىن نىعايتۋدا مادەنيەت سالاسىنداعى ءوزارا ءىس-قيمىل ەرەكشە ءرول اتقاراتىنىن اتاپ ءوتتى.
ناتيجەسىندە ءوزارا مادەنيەت كۇندەرىن وتكىزۋ تۋرالى كەلىسىم جاسالدى، دەپ حابارلايدى aqshamnews.kz
2024 جىلعى 24-26 قىركۇيەك ارالىعىندا استانادا ءازىربايجان مادەني كۇندەرى وتەدى. 24 قىركۇيەكتە «فيزۋلي-530» كىتابىنىڭ تۇساۋكەسەرى جانە ەتنو-دجاز كونسەرتى وتەدى. 25 قىركۇيەكتە قازاقستان مەن ءازىربايجاننىڭ ۇلتتىق كىتاپحانالارى اراسىندا مەموراندۋمعا قول قويۋ، ەلميرا احۋندوۆا كىتابىنىڭ تۇساۋكەسەرى، سونىمەن قاتار «ازەربايجان ونەرىنىڭ جاۋھارلارى» كورمەسىنىڭ اشىلۋى جانە بي ءانسامبلىنىڭ كونسەرتى وتەدى. 26 قىركۇيەكتە ءازىربايجاننىڭ زاماناۋي ونەرى جانە توميريس يكونوگرافياسى تۋرالى دارىستەر وتكىزىلەدى.
باستى ءىس-شارا 26 قىركۇيەك كۇنى ق. قۋانىشبايەۆ اتىنداعى ۇلتتىق مۋزىكالىق-دراما تەاترىندا وتەدى. گالا-كونسەرتتە ازەربايجاننىڭ حالىق ارتىستەرى ونەر كورسەتەدى.
ايتا كەتەيىك، 2023 جىلدىڭ جەلتوقسانىندا قازاقستان رەسپۋبليكاسىنىڭ ازەربايجان رەسپۋبليكاسىنداعى مادەنيەت كۇندەرى باكۋ قالاسىندا ءوتتى.