الماتىلىقتاردى قولجەتىمدى باسپانامەن قامتاماسىز ەتۋ – اكىمدىكتىڭ باستى مىندەتى.
اسىرەسە، ءۇي كەزەگىندە تۇرعان جانە جالدامالى پاتەر كۇتىپ جۇرگەن ازاماتتارعا ەرەكشە كوڭىل بولىنەدى. بۇل تۋرالى الماتى قالاسى اكىمىنىڭ ورىنباسارى بەيبىت شاحانوۆ وڭىرلىك كوممۋنيكاسيالار قىزمەتىندە وتكەن بريفينگتە ايتتى، - دەپ حابارلايدى Aqshamnews.kz.
ونىڭ سوزىنشە، سوڭعى جىلدارى قالادا تۇرعىن ءۇي قۇرىلىسى بەلسەندى ءجۇرىپ جاتىر. ۇزاق جىلدار بويى پاتەر كەزەگىندە تۇرعان تۇرعىنداردىڭ كوبى بۇگىندە ءوز پاتەرلەرىنە كوشىپ الدى.
«ءقازىر قالقامان-2 شاعىناۋدانىندا 594 پاتەرلى 7 ءۇي سالىنىپ جاتىر. كەزەكتە تۇرعان ازاماتتار كەلەسى جىلى جاڭا پاتەر الادى»، – دەدى اكىم ورىنباسارى.
مەملەكەتتىك جالدامالى تۇرعىن ءۇي باعدارلاماسى بويىنشا بۇگىنگە دەيىن 885 پاتەر ساتىپ الىندى. جىل سوڭىنا دەيىن تاعى 2 265 پاتەر الۋ جوسپارلانعان.
ەسكى ۇيلەردى جاڭارتۋ جۇمىستارى دا جالعاسىپ جاتىر. بيىل توعىز ايدا 390 وتباسى جاڭا پاتەرگە كوشتى. كەيبىر تۇرعىندارعا جاڭا پاتەر بەرىلدى، ال كەيبىرىنە ۇيلەرىنىڭ نارىقتىق باعاسىنا ساي اقشا تولەندى.
الماتىلىقتار تومەندەگىدەي اۋدانداردا جاڭا قونىسقا يە بولدى:
• تۇركسىب اۋدانىندا – 127 ادام،
• جەتىسۋ اۋدانىندا – 107 ادام،
• المالى اۋدانىندا – 58 ادام،
• الاتاۋ اۋدانىندا – 42 ادام،
• اۋەزوۆ اۋدانىندا – 26 ادام،
• مەدەۋ اۋدانىندا – 18 ادام،
• بوستاندىق اۋدانىندا – 12 ادام.
الماتىدا جىل باسىنان بەرى اپاتتى جاعدايدا تۇرعان 12 عيمارات سۇرىلسە، جىل سوڭىنا دەيىن تاعى التاۋى سۇرىلەدى دەپ جوسپارلانۋدا. 2025 جىلدىڭ سوڭىنا قاراي قونىس اۋدارعان تۇرعىنداردىڭ جالپى سانى 667-گە جەتەدى دەپ كۇتىلۋدە.
«تۇرعىن ۇيلەردى جوندەۋ – بۇل جاي عانا ەسكى عيماراتتاردى بۇزۋ ەمەس، بۇل قالانىڭ ەكولوگياسىن جاڭارتۋ جانە الماتىلىقتاردىڭ ءومىر ءسۇرۋ ساپاسىن جاقسارتۋعا باعىتتالعان كەشەندى جۇمىس»، - دەپ اتاپ ءوتتى وبلىس اكىمىنىڭ ورىنباسارى.
الماتىدا جۇزەگە اسىرىلىپ جاتقان تۇرعىن ءۇي قۇرىلىسى مەن جوندەۋ باعدارلامالارى مەگاپوليس تۇرعىندارى ءۇشىن قولايلى جاعداي جاساۋعا جانە ازاماتتاردىڭ بارلىق ساناتتارى ءۇشىن تۇرعىن ۇيگە قولجەتىمدىلىكتى ارتتىرۋعا باعىتتالعان.
الماتىدا جۇزەگە اسىرىلىپ جاتقان تۇرعىن ءۇي قۇرىلىسى مەن جوندەۋ باعدارلامالارى مەگاپوليس تۇرعىندارى ءۇشىن قولايلى جاعداي جاساۋعا جانە ازاماتتاردىڭ بارلىق ساناتتارى ءۇشىن تۇرعىن ۇيگە قولجەتىمدىلىكتى ارتتىرۋعا باعىتتالعان.