«تازا قازاقستان» رەسپۋبليكالىق باعدارلاماسى اياسىندا الماتىدا قالا تۇرعىندارى اراسىندا ەكولوگيالىق احۋالدى جاقسارتۋ جانە ەكولوگيالىق مادەنيەتتى ارتتىرۋ بويىنشا اۋقىمدى جۇمىس جۇرگىزىلدى. ەكولوگيالىق ءىس-شارالار الماتى قالاسى ەكولوگيا جانە قورشاعان ورتا باسقارماسىن، پوليسيا دەپارتامەنتىن، بيزنەس جانە قوعام ءوكىلدەرىن بىرىكتىردى، دەپ حابارلايدى aqshamnews.kz
«تازا قازاقستان» باعدارلاماسى اياسىنداعى جۇمىستىڭ باستى باعىتىنىڭ ءبىرى ءىءرى كولەمدى قوقىستاردى شىعارۋ ەرەجەسءى بويىنشا ءتۇسىندىرۋ ناۋقانى. «الماتى قالاسىنىڭ اۋماعىن اباتتاندىرۋ ەرەجەسءىن» ساقتاۋ ماقساتىندا ءىرى كولەمدى قوقىستاردى ساقتاۋ ورىندارىندا - قتق جيناۋ جونىندەگى كونتەينەرلىك الاڭداردىڭ جانىندا قوسىمشا بەينەباقىلاۋ كامەرالارى ورناتىلدى. باسقارما مەن پوليسيانىڭ بىرلەسءىپ بۇزۋشىلىقتاردى انىقتاۋ بويىنشا رەيد جۇرگىزىلدى، قوقىس شىعارۋدى باقىلاۋ كۇشەيتىلدى.
ەسكى جيھازداردى، تۇرمىستىق تەحنيكانى جانە قۇرىلىس قالدىقتارىن كونتەينەرلىك الاڭداردا ساقتاۋ قالا ءۇشىن وزەكتى ماسەلە بولىپ وتىر. اقپاراتتىق روليكتەردە تۇرعىندارعا قوقىس شىعاراتىن كولىكتەر ۇلكەن قوقىس تاسىمالداۋعا ارنالماعاندىقتان، ماشينالاردىڭ بۇزىلۋىنا اكەلۋى مۇمكىن ەكەنى ايتىلادى.
«كوممۋنالدىق قالدىقتاردى باسقارۋ قاعيدالارىنا» سايكەس تۇرعىندار مەن زاڭدى تۇلعالار قۇرىلىس جانە ءىرى كولەمدى قالدىقتاردى ارنايى ورىندارعا - قوقىس پوليگوندارىنا وزدەرى شىعارۋعا مىندەتتى. بۇل ەرەجەنى بۇزعانى ءۇشىن ايىپپۇل سالىنادى، ونىڭ مولشەرى بۇزۋشىنىڭ ساناتىنا (جەكە جانە زاڭدى تۇلعالار) بايلانىستى 20-دان 100 ايلىق ەسەپتىك كورسەتكىشكە دەيىن وزگەرەدى.
باعدارلامانىڭ ماڭىزدى اسپەكتىسى قالانىڭ كورنەكى ورتاسىن جاقسارتۋ. الماتىدا رەسپۋبليكالىق جانە جەرگىلىكتى ماڭىزى بار 56 تاريح جانە مادەنيەت ەسكەرتكىشىن جارىقتاندىرۋ بويىنشا جۇمىستار ورىندالدى. «الماتى قالا جارىق» مكك باس ينجەنەرى الىمۇحامەد جالپاقوۆ «جۇمىس قوسىمشا بيۋدجەت قارجىسىن تارتپاي، قولدا بار رەسۋرستار ەسەبىنەن جۇرگىزىلگەنىن» اتاپ ءوتتى. تۇنگى ۋاقىتتا جارىقتاندىرۋ قالا تۇرعىندارى مەن قوناقتارىنا كەشكى ۋاقىتتا كوپشىلىكتىڭ ەسكەرتكىشتەردىڭ كورىنىسىن تاماشالاۋعا مۇمكىندىك بەرەدى.
قالادا ءبىر رەتتىك قوقىس كولەمىن ازايتۋ ءۇشىن «ەكو-كويندى كوفەگە ايىرباستا» باعدارلاماسى باستالدى. الماتى قالاسىنىڭ ەكو-حابى ازىرلەگەن باستاما كوفەحانالاردا قايتا پايدالانۋعا بولاتىن ستاقانداردى قولدانۋدى ىنتالاندىرادى. قايتا پايدالانۋعا بولاتىن ىدىسپەن كەلىپ ساتىپ الىنعان ءاربىر سۋسىن ءۇشىن كەلۋشىلەر 100 تەڭگەگە بالاما ەكو-كوين الادى. بۇل قاراجاتتى ەكولوگيالىق ەكوتاۋارلاردى ساتىپ الۋعا جانە شەبەرلىك دارىستەرىنە قاتىسۋعا جۇمساۋعا بولادى.
«جاقىندا اكسياعا كوفەحانالاردىڭ باسقا دا ءىرى جەلىلەرى قاتىسادى دەپ ۇمىتتەنەمىز جانە بۇل باستاما قورشاعان ورتانى ساقتاۋ ءۇشىن ءبىر رەتتىك ىدىستى قولدانۋدان باس تارتۋ سىندى الماتىنىڭ جاڭا داستۇرىنە اينالادى»، - دەدى ەكو-حاب پەن «Eco Network» ج ش س نەگىزىن قالاۋشى ەۆگەنيي مۇحامەدجانوۆ.
جوبا ءقازىردىڭ وزىندە قالانىڭ بىرنەشە كوفەحاناسىندا، سونىڭ ىشىندە «نەدەلكا» جەلىسىندە قولعا الىنىپ، اۋقىمى كەڭەءيىپ كەلەدى. اكسياعا قالا تۇرعىندارىنىڭ تانىمال دەمالىس ورنى گورەلنيكتەگى «اپا كاتيا» كافەسى دە قوسىلدى. باستاما ەكولوگيالىق جاۋاپكەرشىلىكتى قالىپتاستىرۋعا جانە ءبىر رەتتىك ىدىستاردى پايدالانۋدى ازايتۋعا باعىتتالعان.
«تازا قازاقستان» باعدارلاماسى اياسىندا الماتى ەكو-حابىندا ەرەكشە قاجەتتىلىگى بار بالالارعا ارنالعان شەبەرلىك دارىستەرى ءوتتى. 30-دان استام قاتىسۋشى قايتا وڭدەلگەن ماتەريالدان ەكولوگيالىق قولونەر جاسادى، ەكولوگيالىق مادەنيەتتىڭ نەگىزدەرىن زەرتتەدى جانە ەكولوگيالىق سومكەلەردى بوياۋعا قاتىستى. ءىس-شارا بالالاردىڭ الەۋمەتتىك ءوزارا ءىس-قيمىلى مەن شىعارماشىلىق دامۋىنا، سونداي-اق سانالى تۇردە تۇتىنۋ داعدىسىن قالىپتاستىرۋعا باعىتتالعان.
«ۇلىم ەكەۋمىز العاش رەت ەكوحابتاعى شەبەرلىك دارىسىنە قاتىستىق، مەن ۇيىمداستىرۋشىلارعا وسى پايدالى ءىس-شارا ءۇشىن العىس ايتامىن! ول قايتا وڭدەلگەن ماتەريالداردان قولونەر بۇيىمدارى مەن ەكو-كويندار جاساپ، شوپپەردى بويادى، ال ويىن فورماسىنىڭ ارقاسىندا ساباقتار قولجەتىمدى ءارى قىزىقتى ءوتتى. بالامىزدىڭ دامىپ، جاڭا نارسەنى ۇيرەنىپ جاتقانىنا قۋانىشتىمىز. وسى قۇندى تاجىريبە ءۇشىن راحمەت ايتامىن!»، - دەدى قالا تۇرعىنى ناتاليا.
بۇل باستامالار الماتى تۇرعىندارى اراسىندا قورشاعان ورتانى ساقتاۋ مەن ەكولوگيالىق جاۋاپكەرشىلىكتى دامىتۋدىڭ ماڭىزدىلىعىن كورسەتەدى. «تازا قازاقستان» باعدارلاماسىنىڭ ارقاسىندا شاھار تازا ءارى ءاسەم قالا اتانىپ، قاتىسۋشىلاردى كوپتەپ تارتىپ وتىر.