جاڭا ەرەجە بانكتەر مەن ميكروقارجى ۇيىمدارى ينتەرنەت ارقىلى ونلاين نەسيەلەر مەن ميكروكرەديتتەر بەرگەن كەزدە قولدانىلادى.
قازاقستاندىقتار نەسيە الۋ ءۇشىن بيومەتريالىق دەرەكتەرىن تاپسىرۋعا مىندەتتەلەدى، دەپ حابارلايدى aqshamnews.kz
قارجى نارىعىن رەتتەۋ جانە دامىتۋ اگەنتتىگى ەكىنشى دەڭگەيلى بانكتەر مەن ميكروقارجى ۇيىمدارىن (مقۇ) نەسيە بەرۋ كەزىندە تولىق بيومەتريالىق سايكەستەندىرۋ جۇرگىزۋگە مىندەتتەيتىن قاۋلى قابىلدادى.
"قاۋلىدا بيومەتريالىق دەرەكتەردى پايدالانۋ جانە قورعاۋ قاعيداتتارى، بەت بەينەسى بويىنشا بيومەتريالىق يدەنتيفيكاتتاۋ وتكىزۋ ءتارتىبى، يدەنتيفيكاتتاۋ دەرەكتەرىن الۋ جانە بەينەنىڭ دۇرىستىعىن تەكسەرۋ راسىمدەرى، يدەنتيفيكاتتاۋ دەرەكتەرىن بەرۋ كەزىندە بايلانىس ارنالارىن شيفرلاۋدى قامتاماسىز ەتۋ بويىنشا تالاپتار، سونداي-اق بيومەتريالىق يدەنتيفيكاتتاۋدىڭ بۇكىل پروسەسىن قۇجاتتاۋ ءتارتىبى بەلگىلەنەدى”، -دەلىنگەن اگەنتتىك حابارلاماسىندا.