قالا قۇرىلىسىن باقىلاۋ باسقارماسىنىڭ وكىلدەرى شاقشاق-جانىبەك كوشەسى، 3 مەكەنجايىندا ورنالاسقان تۇرعىن ءۇيدىڭ ءۇشىنشى قاباتىنىڭ سۇرىلگەنىن ايتتى.
جوسپاردان تىس تەكسەرۋ بارىسىندا مەنشىك يەسى (جەكە تۇلعا) رۇقساتسىز تۇرعىن ءۇيدى قايتا جاڭعىرتىپ، جالپى اۋماعى شامامەن 200 شارشى مەتر بولاتىن ءۇشىنشى قاباتتى سالعانى انىقتالدى. مەنشىك يەسىنە قاتىستى اكىمشىلىك شارالار قولدانىلىپ، انىقتالعان زاڭبۇزۋشىلىقتاردى بەلگىلەنگەن مەرزىمدە جويۋ تۋرالى نۇسقاما بەرىلدى.
مەنشىك يەسى نۇسقاما تالاپتارىن ورىنداماعاندىقتان، باسقارما مەدەۋ اۋداندىق سوتىنا ءۇشىنشى قاباتتى بۇزۋ تۋرالى تالاپ ارىز بەردى.
2025 جىلى 22 تامىزدا سوت شەشىمىمەن تالاپ ارىز قاناعاتتاندىرىلدى.
سوت شەشىمىن ورىنداۋ ءۇشىن مەنشىك يەسى نىساندى بۇزا باستادى.