الداعى ايدا 200-گە جۋىق كەزدەسۋ وتكىزۋدى جوسپارلاپ وتىر
«AMANAT» پارتياسى الماتى قالالىق شتابىنىڭ مۇشەلەرى - شتاب جەتەكشىسى مەيىرجان وتىنشييەۆ، دەپۋتاتتار ءاسيا اقانوۆا مەن المات قوداسبايەۆ الماتى ءسان جانە ديزاين كوللەدجىنىڭ ەڭبەك ۇجىمىمەن جانە ستۋدەنتتەرىمەن ەل پرەزيدەنتىنىڭ كونستيتۋسيالىق رەفورماسىن ءتۇسىندىرۋ بويىنشا كەزدەسۋ وتكىزدى. بۇگىندە اتالعان وقۋ ورنىندا 112 قىزمەتكەر جۇمىس ىستەيدى جانە مىڭعا جۋىق ستۋدەنت ءبىلىم الۋدا، دەپ حابارلايدى Almaty-akshamy.kz.
كەزدەسۋ بارىسىندا ق ر قولدانىستاعى كونستيتۋسياسىنا 33 تۇزەتۋ ەنگىزۋ بويىنشا تۇسىندىرمە جۇمىستارى جۇرگىزىلدى. اتاپ ايتقاندا، ساياسي پارتيانى تىركەۋ ءۇشىن قولداۋشىلار سانىن 5 مىڭ ادامعا دەيىن قىسقارتۋ، كونستيتۋسيالىق سوت قۇرۋ، سونداي-اق ەلىمىزدە ءولىم جازاسىنىڭ جويىلۋى تۋرالى ءسوز قوزعالدى. وسى جانە باسقا دا ماڭىزدى رەفورمالارعا پارتيانىڭ قالالىق شتابىنىڭ باسشىسى مەيىرجان وتىنشييەۆ جەكە توقتالدى.
«جاڭا قازاقستاننىڭ قالىپتاسۋىنا پرەزيدەنت ۇسىنعان وڭ وزگەرىستەر مەن رەفورمالاردى ىسكە اسىرۋعا ۇلەس قوسۋ – ءبىزدىڭ ءارقايسىمىزدىڭ نەگىزگى ازاماتتىق بورىشىمىز. 1995 جىلدان بەرى العاش وتكەلى جاتقان رەفەرەندۋم – اتا زاڭىمىزدىڭ ۇشتەن ءبىر بولىگىن وزگەرتۋى مۇمكىن. سايكەسىنشە، ەلىمىزدىڭ ءبىرشاما ماڭىزدى سالالارىندا وزگەرىس بولادى. كونستيتۋسياعا وزگەرىستەر مەن تولىقتىرۋلار ەنگىزۋ تەك قازاقستاندا عانا ەمەس، كورشى ەلدەردە دە ورىن الدى. بۇل قالىپتى ساياسي پروسەسس، ويتكەنى ۋاقىت وتە كەلە قوعامدىق-ساياسي جاعدايعا قويىلاتىن تالاپتار وزگەرۋدە»، - دەپ اتاپ ءوتتى شتاب جەتەكشىسى مەيىرجان وتىنشييەۆ.
بۇدان باسقا، ءماجىلىس پەن ءماسليحاتتار دەپۋتاتتارىن سايلاۋدىڭ ارالاس ماجوريتارلىق، تەپە-تەڭ مودەلىن ەنگىزۋ جوسپاردا بار. قالالىق شتاب مۇشەسى ءاسيا اقانوۆانىڭ ايتۋىنشا، بۇل قادام سايلاۋشىلاردىڭ كوزقاراستارى مەن پىكىرلەرىن بارىنشا تولىق قامتۋعا جول اشادى. الداعى رەفورمالار ازاماتتاردىڭ وڭىرلەردىڭ دە، تۇتاس ەل مۇمكىندىكتەرىنىڭ جاندانۋىن بەكىتۋگە كومەكتەسەدى.
جالپى، «AMANAT» پارتياسىنىڭ الماتى قالالىق شتابى الداعى ايدا 200-گە جۋىق كەزدەسۋ وتكىزۋدى جوسپارلاپ وتىر.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا «AMANAT» پارتياسى قوعامدىق بىرلەستىگىنىڭ الماتى قالالىق فيليالىنىڭ تاپسىرىسىمەن شىقتى، جاۋاپتى تۇلعا م. ب. وتىنشييەۆ.