تمد قاتىسۋشى مەملەكەتتەرگە قارسى قولدانبايدى
ءماجىلىس «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ مينيسترلەر كابينەتى اراسىنداعى ورتالىق ازيا ءوڭىرىنىڭ قاۋىپسىزدىگىن قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمدى راتيفيكاسيالاۋ تۋرالى» زاڭدى ماقۇلدادى حابارلايدى Almaty-akshamy.kz BAQ.KZ-كە سىلتەمە جاساپ.
قورعانىس ءمينيسترىنىڭ ورىنباسارى سۇلتان قامالەتدينوۆ بۇل كەلىسىم 2021 جىلعى 7 جەلتوقساندا نۇر-سۇلتان قالاسىندا جاسالعانىن مالىمدەدى.
كەلىسىم بويىنشا اسكەري مۇلىك ءبىر رەت بەرىلەدى. ونىڭ اتاۋى مەن كولەمى ديپلوماتيالىق ارنا ارقىلى كەلىسىلدى. قازاقستان مۇلىكتى قىرعىزستاننىڭ قويتاش ەلدىمەكەنىنە دەيىن اۆتوكولىكپەن جەتكىزىلەدى. شىعىندى ءوزى كوتەرەدى. قىرعىزستان تاراپى العان مۇلىكتى تەك قاۋىپسىزدىكتى قامتاماسىز ەتۋ ءۇشىن پايدالانا الادى، ءۇشىنشى تاراپقا بەرمەيدى، - دەدى سۇلتان قامالەتدينوۆ ءماجىلىستىڭ جالپى وتىرىسىندا.
ونىڭ سوزىنشە، تمد قاتىسۋشى مەملەكەتتەرگە قارسى قولدانبايدى. ورتالىق ازياعا ىرگەلەس اۋماقتا شيەلەنىس بولعاندا، وڭىرلىك قاۋىپسىزدىككە سىن-قاتەر تونگەن جاعدايدا اسكەري-تەحنيكالىق كومەك كورسەتۋ قىرعىزستان قارۋلى كۇشتەرىنىڭ وعان تويبارىس بەرۋىنە، ورتالىق ازيا ءوڭىرىنىڭ قاۋىپسىزدىگىن نىعايتۋعا مۇمكىندىك بەرەدى.
سونىمەن قاتار زاڭ جوباسىن قابىلداۋ بيۋدجەتتەن قوسىمشا قاراجات قاجەت ەتپەيدى، تەرىس الەۋمەتتىك-ەكونوميكالىق قۇقىقتىق سالدارعا اكەپ سوقپايدى.