الماتىدا قازاقستان حالقى اسسامبلەياسىنىڭ 30 جىلدىعىنا ارنالعان "مەنىڭ وتباسىم – تىرەگىم" بايقاۋى ءوتتى. ءىس-شارانى قالالىق ىشكى ساياسات باسقارماسىنا قاراستى "قوعامدىق كەلىسىم" كمم ۇيىمداستىردى.
بايقاۋدىڭ ماقساتى — جاس وتباسىلاردىڭ شىعارماشىلىعىن اشۋ، ۇلتتىق ءداستۇردى دارىپتەۋ جانە وتباسى قۇندىلىعىن نىعايتۋ. سايىسقا ءتۇرلى ەتنوستان قۇرالعان بەس وتباسى قاتىسىپ، "بەينەتانىستىرۋ"، "ۇلتتىق ءداستۇر"، "ونەرلى وتباسى" جانە قحا تاريحىنا ارنالعان "زياتكەرلىك ۆيكتورينا" اتتى ءتورت كەزەڭ بويىنشا ب ا ق سىنادى.
15 جىل وتاسىپ، اليشۋ ەسىمدى قىز تاربيەلەپ وتىرعان رۋستام مەن ءامينا كايرىيەۆتەر كونە ۇيعىر سالتى — "بوشۋك توي" (نارەستەنى بەسىككە بولەۋ) ءراسىمىن وتكىزدى. قوناقتاردى ولار ۇيعىر تاعامى – سانزامەن قارسى الدى.
"ءبىز ءاردايىم ءبىر-بىرىمىزدى تۇسىنۋگە تىرىسامىز"، — دەدى رۋستام كايرىيەۆ.
بايقاۋ قورىتىندىسى بويىنشا كايرىيەۆتەر وتباسى I ورىنعا يە بولدى. ەكىنشى ورىن ورىنعاروۆتار جانۇياسىنا، ال ءۇشىنشى ورىن دانلادي اۋلەتىنە بۇيىردى.