الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ ءبىرىنشى كۋرس ستۋدەنتى رەكتورات عيماراتىنىڭ 14-قاباتىنان سەكىرىپ، مەرت بولدى. قايعىلى جاعدايدى الماتى قالاسىنىڭ پوليسيا دەپارتامەنتى راستادى، دەپ حابارلايدى اqshamnews.kz.
وقيعاعا بايلانىستى الماتى قالالىق پوليسيا دەپارتامەنتى رەسمي تۇسىنىكتەمە بەرىپ، تەرگەۋ امالدارىنىڭ باستالعانىن مالىمدەدى.
"اتالعان دەرەك بويىنشا بوستاندىق اۋداندىق پوليسيا باسقارماسى قىلمىستىق ءىس قوزعادى. قازىرگى ۋاقىتتا وقيعانىڭ ءمان-جايى انىقتالىپ جاتىر. الدىن الا مالىمەت بويىنشا، وقيعاعا تۇرمىستىق سەبەپتەر تۇرتكى بولعان. ازاماتتاردان جالعان اقپارات تاراتپاۋعا جانە تەك رەسمي دەرەككوزدەرگە سۇيەنۋگە شاقىرامىز"، – دەلىنگەن حابارلامادا.
ەسكە سالايىق، بۇعان دەيىن پاۆلودارلىق ايەل ەكى بالاسىن تەرەزەدەن لاقتىرىپ، ارتىنشا ءوزى سەكىرىپ كەتكەن بولاتىن.