الماتى وبلىسىنىڭ اكىمى مارات سۇلتانعازييەۆ ۇكىمەت وتىرىسىندا وڭىردە جاڭا جۇمىس ورىندارىن اشۋ بويىنشا قابىلدانىپ جاتقان شارالار تۋرالى باياندادى. ول وڭىردە تىركەلگەن جۇمىسسىزدار سانى ازايعانىن اتاپ ءوتتى، دەپ حابارلايدى aqshamnews.kz
جۇمىس ورىندارىن قۇرۋ وڭىرلىك جۇمىس ورىندارىن قۇرۋ كارتاسى جانە ينۆەستيسيالىق جوبالار شەڭبەرىندە قامتاماسىز ەتىلۋى جوسپارلانۋدا.
ينۆەستيسيالىق ناۆيگاتوردا سوماسى 1،7 ترلن تەڭگەنى قۇرايتىن 73 جوبا تىركەلگەن، ولار بويىنشا 21 مىڭ جۇمىس ورنىن اشۋ كوزدەلگەن. وڭىرلىك كارتا اياسىندا «جايلى مەكتەپ» جوباسىن جۇزەگە اسىرۋ بارىسىندا 2820 تۇراقتى جۇمىس ورنى قۇرىلادى. «شاعىن جانە ورتا كاسىپكەرلىكتى دامىتۋ تۇجىرىمداماسى» اياسىندا 450 استام جۇمىس ورنى اشىلادى.
«ءابسوليۋتتى كورسەتكىشتەردى عانا ەمەس، جالپى جۇمىس كۇشىندەگى جۇمىسسىزدىقتىڭ ۇلەسىن دە ەسكەرۋ ماڭىزدى. وتكەن جىلمەن سالىستىرعاندا جۇمىسسىزدىق دەڭگەيى 4،7%-دان 4،6%-عا تومەندەدى»،
— دەدى مارات سۇلتانعازييەۆ. اكىم جۇمىسسىزدار بويىنشا جۇمىس نارىقتىڭ قاجەتتىلىگىنە نازار اۋدارا وتىرىپ جۇرگىزىلىپ جاتقانىن ايتتى. كاسىبي وقىتۋ ارقىلى 800-دەن استام جۇمىسسىز تۇراقتى جۇمىس ورىندارىنا ورنالاستىرىلاتىن بولادى. نەگىزگى بولىگى تاجىريبە ارقىلى داعدىلاردى مەڭگەرە وتىرىپ، كاسىپورىندار جانىندا وقىتىلۋدا. سونىمەن قاتار ونلاين-وقىتۋدان 5،2 مىڭ ادام ءوتىپ، جاڭا قۇزىرەتتەرگە يەلەندى. ەڭبەك سالاسىنداعى تيىمدىلىكتى ارتتىرۋ ءۇشىن ءبىرقاتار سيفرلىق جوبالار ىسكە اسىرىلۋدا. ستۋدەنتتەرگە تاجىريبە ورىندارىن ىرىكتەۋگە جانە جۇمىس بەرۋشىلەرگە ۇمىتكەرلەردى اۆتوماتتى تۇردە تاڭداۋعا ارنالعان «ودىرىستىك تاجىريبە» سيفرلىق سەرۆيسى ءساتتى جۇمىس ىستەۋدە. «مانساپ كومپاسى» جانە «Enbek.kz» قۇرالدارى بەلسەندى جۇزەگە اسىرىلۋدا.