الماتىدا قازا تاپقان پوليسيا قىزمەتكەرلەرىنە قۇرمەت كورسەتىلدى، – دەپ حابارلايدى اqshamnews.kz ءتىلشىسى Polisia.kz-كە سىلتەمە جاساپ.
بۇگىن قازاقستان پوليسياسىنىڭ 33 جىلدىعىنا ارنالعان يدەيالىق-يميدجدىك ناۋقان اياسىندا الاتاۋ اۋداندىق پوليسيا باسقارماسىندا قازا تاپقان ىشكى ىستەر ورگاندارىنىڭ قىزمەتكەرلەرىنە ارنالعان ەسكەرتكىشكە سالتاناتتى تۇردە گۇل شوقتارى قويىلدى.
ءىس-شاراعا الماتى قالالىق پوليسيا دەپارتامەنتىنىڭ باسشىلىعى، ارداگەرلەر، جەكە قۇرام، قازا تاپقان قىزمەتكەرلەردىڭ وتباسىلارى، سونداي-اق قىزمەتتىك جولىن ەندى عانا باستاعان جاس قىزمەتكەرلەر قاتىستى.
"زاڭ مەن ءتارتىپ جولىندا جانىن قيعان ارىپتەستەرىمىزدى ەسكە الۋ جاي عانا قۇرمەت ەمەس. بۇل ۇرپاقتار ساباقتاستىعىنا نەگىز. ولاردىڭ ەرلىگى - جاس قىزمەتكەرلەر ءۇشىن ومىرلىك باعدار، قاۋىپسىزدىكتىڭ قانداي جولمەن كەلگەنىن ەسكە سالۋ. ءبىز ولاردىڭ ەسىمدەرىن ەشقاشان ۇمىتپايمىز"، - دەدى الماتى قالالىق پوليسيا دەپارتامەنتى باستىعىنىڭ ورىنباسارى ءادىلعوجا قۇسايىنوۆ.