الماتىدا سوت تەرروريستىك اكت تۋرالى كورىنەۋ جالعان حابارلاما جاساعان ادامعا قاتىستى ۇكىم شىعاردى، دەپ حابارلايدى aqshamnews.kz Polisia.kz-كە سىلتەمە جاساپ.
وتكەن جىلدىڭ جەلتوقسان ايىندا ماس كۇيىندە بولعان الماتىلىق شۇعىل قىزمەتتەرگە قوڭىراۋ شالىپ، قالانىڭ ساۋدا ورتالىقتارىنىڭ بىرىندە جارىلىس بولاتىنىن حابارلاعان. قوڭىراۋ تۇسكەننەن كەيىن قۇقىق قورعاۋ ورگاندارى دەرەۋ ساۋدا ورتالىعىنا بارىپ، حابارلامانىڭ شىندىققا جاناسپايتىنىن انىقتادى.
ايتا كەتەيىك، جالعان شاقىرۋ ارنايى قىزمەتتەردىڭ جۇمىسىن ۇيىمداستىرماۋعا جانە ماتەريالدىق شىعىنعا اكەلدى. سوت ەر ادامدى كورىنەۋ جالعان اقپارات تاراتقانى ءۇشىن كىنالى دەپ تاۋىپ، وعان ءبىر جىلعا باس بوستاندىعىنان ايىرۋ جازاسىن تاعايىندادى.
— مۇنداي جاعدايلاردىڭ ءارقايسىسى قۇندى رەسۋرستاردى الىپ تاستايدى، شۇعىل قىزمەتتەردىڭ كۇشتەرىن ناقتى جۇمىستان الشاقتاتادى جانە حالىق اراسىندا دۇربەلەڭ تۋعىزادى. لاڭكەستىك شابۋىلدار تۋرالى جالعان حابارلار ءۇشىن قىلمىستىق جاۋاپكەرشىلىك قاراستىرىلعانىن ەسكە سالامىز. ءبىز ازاماتتاردى جاۋاپتى بولۋعا جانە مۇنداي ارەكەتتەر جازاسىز قالمايتىنىن ەستە ساقتاۋعا شاقىرامىز، - دەدى الماتى قالاسى پد ەكسترەميزمگە قارسى ءىس-قيمىل باسقارماسىنىڭ باستىعى اسحات داۋلەتياروۆ.