الماتىدا قالا اۋداندارىنىڭ بارلىق كوشەسىندە ورتاشا جوندەۋ جۇمىستارى اياقتالدى

الماتىنىڭ جول ينفراقۇرىلىمىن دامىتۋ باسقارماسى بيىلعا جوسپارلانعان كوشەلەردىڭ ورتاشا جوندەۋ جۇمىستارىن تولىق اياقتادى.
 
ورتاشا جوندەۋ اياسىندا جول بويىنا جاڭا اسفالت توسەلىپ، تروتۋارلاردىڭ بۇزىلعان تۇستارى مەن ارىق جۇيەلەرىنىڭ ناۋالارى قالپىنا كەلتىرىلدى.
 
جالپى 347 كوشە، ۇزىندىعى 281 شاقىرىم جول جوندەۋدەن ءوتتى. سونىڭ ىشىندە ۇزىندىعى 40 شاقىرىم بولاتىن 15 ماگيسترالدىق كوشەدەگى جوندەۋ جۇمىستارى 1 قىركۇيەكتە اياقتالدى. بۇل قابانباي باتىر، قاجىمۇقان، جۇبانوۆ، ۇلىقبەك، مايلين، بۇقتىرما، موڭكە بي، بەكماحان ۇلى، دۋلاتي، سەركەبايەۆ، جاروكوۆ، تولە بي، بوگەنباي باتىر، تىلەندييەۆ كوشەلەرى مەن نازاربايەۆ داڭعىلىنىڭ ۋچاسكەلەرى. سونىمەن قاتار، ۇزىندىعى 241 شاقىرىم بولاتىن اۋداندىق ماڭىزى بار 332 كوشە ورتاشا جوندەۋدەن ءوتتى.
 
اۋداندارعا بولسەك:
الاتاۋ اۋدانى — 132 كوشە
ناۋرىزباي اۋدانى — 30 كوشە
مەدەۋ اۋدانى — 44 كوشە
جەتىسۋ اۋدانى — 37 كوشە
تۇركسىب اۋدانى — 54 كوشە
المالى اۋدانى — 9 كوشە
بوستاندىق اۋدانى — 30 كوشە
اۋەزوۆ اۋدانى — 11 كوشە

بۇعان قوسا، العاباس، المەرەك، شۇعىلا، اقجار، بورالداي، جاس قانات، راحات-مادەنيەت شاعىناۋداندارىندا بيىل 35 شاقىرىم جاڭا جول سالىندى. وسىلايشا، جاقسى جانە قاناعاتتانارلىق جاعدايداعى جولدىڭ ۇلەسى 95 پايىزعا جەتتى.