الماتىنىڭ اۋەزوۆ اۋدانىنداعى "مامىر-4" شاعىناۋدانىندا سۋ قۇبىرى مەن كارىز جەلىلەرىنىڭ قۇرىلىسى اياقتالدى. جوبانى جۇزەگە اسىرعان مەردىگەر ۇيىم اباي داڭعىلى، ب. مومىش ۇلى، ساين جانە مۇستاي كارىم كوشەلەرى اراسىنداعى اۋماقتا ينجەنەرلىك كوممۋنيكاسيا جۇرگىزۋ جۇمىستارىن ءتامامداپ، جول توسەمىن تولىق قالپىنا كەلتىردى.
قۇرىلىس جۇمىستارى اياسىندا 6،5 شاقىرىم سۋ قۇبىرى جانە 5،8 شاقىرىم كارىز جەلىسى سالىنىپ، بارلىق جۇمىس قازىرگى زامان تالاپتارىنا ساي ورىندالدى. ينجەنەرلىك جەلىلەردىڭ جوبالانىپ، مونتاجدالۋىنان كەيىن شاعىناۋدانداعى جول توسەمى تولىقتاي جاڭارتىلدى.
2025 جىلى اۋەزوۆ اۋدانىندا كوممۋنالدىق ينفراقۇرىلىمدى جاڭعىرتۋ جۇمىستارى جالعاسىپ كەلەدى. اۋداندا سۋ جانە كارىز جۇيەلەرىن جاقسارتۋعا باعىتتالعان ءتورت ءىرى جوبا جۇزەگە اسىرىلىپ جاتىر.
سونىڭ ىشىندە ەڭ اۋقىمدى جوبالاردىڭ ءبىرى ساين – ياسساۋي – شالياپين – جاندوسوۆ كوشەلەرى اۋماعىنداعى ينفراقۇرىلىمدى جاڭارتۋ. بۇل اۋماقتا جۇمىس ەكى كەزەڭ بويىنشا جۇرگىزىلىپ، جالپى ۇزىندىعى 49 شاقىرىم ينجەنەرلىك جەلى تارتىلىپ جاتىر.
بۇعان قوسا، "دوستىق" شاعىناۋدانىندا مەردىگەر ۇيىم قۇرىلىس جۇمىستارىنىڭ نەگىزگى بولىگىن اياقتادى. قالعان جۇمىس 2026 جىلى بىتەدى دەپ جوسپارلانىپ وتىر.