الماتى اكىمىنىڭ ورىنباسارى بەيبىت شاحانوۆ جۇمىس ساپارى اياسىندا 11،7 مىڭ ورىنعا ەسەپتەلگەن 8 مەكتەپتىڭ قۇرىلىسى مەن جابدىقتالۋ بارىسىن تەكسەردى.
زاماناۋي جابدىقتارمەن قامتاماسىز ەتىلگەن ءارى وقۋشىلارعا قولايلى كەڭىستىگى بار جاڭا عيماراتتار پرەزيدەنت باستاماسىمەن ىسكە اسىرىلىپ جاتقان «كەلەشەك مەكتەپتەرى» ۇلتتىق جوباسى اياسىندا قالانىڭ قارقىندى دامىپ جاتقان شاعىناۋداندارىندا سالىنىپ جاتىر.
«نىسانداردىڭ باسىم بولىگىندە جۇمىس اياقتالىپ كەلەدى – ىشكى ارلەۋ، جيھاز جانە تەحنيكا ورناتۋ، سونداي-اق اۋماقتى كورىكتەندىرۋ بىتۋگە جاقىن. الايدا تۇركسىب اۋدانىنداعى ەكى نىسانداعى جۇمىستار مەرزىمنەن كەشىگىپ جاتىر. سوندىقتان جۇمىستى جىلدامداتۋ ءۇشىن باقىلاۋدى كۇشەيتىپ، قوسىمشا رەسۋرس جۇمىلدىرۋدى سۇرايمىن. بيىل جىل سوڭىنا دەيىن بارلىق جۇمىستى تولىق اياقتاۋىمىز قاجەت»، – دەدى بەيبىت شاحانوۆ.
سونىمەن قاتار قالا اكىمىنىڭ ورىنباسارى قۇرىلىس كومپانيالارىنىڭ نازارىن مەكتەپتەردىڭ اينالاسىن قوسىمشا كوگالداندىرۋ جانە اۆتوتۇراق ورىندارىن ۇيىمداستىرۋ قاجەتتىگىنە اۋداردى.
ايتا كەتەيىك، بيىل الماتىدا ۇلتتىق جوبا اياسىندا، اكىمدىك جانىنداعى جوبالىق كەڭسە قولداۋىمەن جالپى 22 500 وقۋشىعا ارنالعان 12 مەكتەپتىڭ قۇرىلىسى اياقتالدى.