الماتىدا 1979 جىلعى قۇبىردى اۋىستىرۋ ءۇشىن ايمانوۆ كوشەسىنىڭ ۋچاسكەسىمەن ءجۇرۋ دەمالىس كۇندەرى شەكتەلەدى، - دەپ حابارلايدى اqshamnews.kz ءتىلشىسى «الماتى جىلۋ جۇيەسى» جشس-نە سىلتەمە جاساپ.
الداعى جىلىتۋ ماۋسىمىنا دايىندىق اياسىندا جوسپارلى جىلۋ جۇيەلەرىن جاڭعىرتۋ جۇمىستارى جۇرگىزىلۋدە. بۇل جۇمىستار اياسىندا 1979 جىلى پايدالانۋعا بەرىلگەن جىلۋ ماگيسترالىنىڭ قۇبىرلارى جاڭاسىنا اۋىستىرىلادى.
وسىعان بايلانىستى 2025 جىلى 2 تامىز ساعات 06:00-دەن باستاپ 4 تامىز ساعات 06:00-گە دەيىن ايمانوۆ كوشەسىنىڭ قاراساي باتىر جانە بوگەنباي باتىر كوشەلەرى اراسىنداعى بولىگى ەكى باعىتتا دا اۆتوكولىك قوزعالىسىنا ۋاقىتشا جابىلادى.
مۇنداي شەكتەۋلەر جول بولىگىندەگى قۇبىر جەلىسىن قايتا جاڭعىرتۋ جۇمىستارىن ءقاۋىپسىز جۇرگىزۋ ماقساتىندا ەنگىزىلىپ وتىر. رەكونسترۋكسيا كەزىندە تۇتىنۋشىلارعا ىستىق سۋ بەرۋ توقتاتىلمايدى.
جالپى، بيىل قالا بويىنشا 39 شاقىرىم جىلۋ جەلىسىن جاڭعىرتۋ جوسپارلانعان. بۇل ەسكى جەلىلەردىڭ توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ايتا كەتەيىك، جول قوزعالىسىنا قاتىستى بارلىق شەكتەۋ مەن وزگەرىس تۋرالى مالىمەتتەر Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق، «2GIS» جانە «ياندەكس كارتالار» سەرۆيستەرىندە جاريالانعان.