الماتى قالاسى پوليسيا دەپارتامەنتىندە قىسقى كەزەڭدە قىزمەت اتقارۋعا كوشۋگە وراي بارلىق قىزمەتتەر مەن بولىمشەلەردىڭ ساپتىق قاراۋى وتكىزىلدى.
ءىس-شارانىڭ ماقساتى – قىزمەتكەرلەردىڭ قىسقى جاعدايدا جۇمىس ىستەۋگە دايىندىق دەڭگەيىن كەشەندى تۇردە تەكسەرۋ، ونىڭ ىشىندە قىزمەتكەرلەردىڭ سىرتقى كەلبەتى، فورمالىق كيىمنىڭ جاي-كۇيى، ماتەريالدىق-تەحنيكالىق جاراقتاندىرىلۋى، سونداي-اق قىزمەتتىك اۆتوكولىكتەر مەن ارنايى تەحنيكانىڭ جارامدىلىعىن باعالاۋ. ازاماتتاردىڭ قاۋىپسىزدىگىن قامتاماسىز ەتۋگە، جەدەل ارەكەت ەتۋگە جانە قىسقا كۇندىزگى ۋاقىت، قارلى بوران مەن كوكتايعاق جاعدايىندا قىزمەت تيىمدىلىگىن ارتتىرۋ بويىنشا جوسپارلار تالقىلاندى.
"ساپتىق قاراۋ – بۇل جاي عانا ءراسىم ەمەس. ءبىز قىزمەتكەرلەردىڭ سىرتقى كەلبەتىن عانا ەمەس، ازاماتتاردىڭ قاۋىپسىزدىگىنە اسەر ەتەتىن بارلىق فاكتورلاردى ياعني جاراقتاندىرۋدى، ەكيپيروۆكانى، اۆتوپاركتىڭ دايىندىعىن تەكسەرەمىز. قىستىڭ كەلۋىمەن پوليسيا بولىمشەلەرىنە تۇسەتىن جۇكتەمە ارتادى، سوندىقتان ءبىزدىڭ مىندەتىمىز – جەكە قۇرامنىڭ كەز كەلگەن جاعدايعا بارىنشا دايىن بولۋىن قامتاماسىز ەتۋ جانە قالاداعى قوعامدىق ءتارتىپتىڭ جوعارى دەڭگەيىن ساقتاۋ"، – دەدى، الماتى قالالىق پوليسيا دەپارتامەنتى باستىعىنىڭ ورىنباسارى ءادىلقوجا قۇسايىنوۆ.
ساپتىق قاراۋ قورىتىندىسى بويىنشا ءاربىر بولىمشە باسشىلارىنا ءتيىستى نۇسقاۋلار بەرىلدى.