13 قاراشا كۇنى شامامەن 18:00-دە جوعارى كەرنەۋلى جەلىلەردە بولعان اپات سالدارىنان ءبىرقاتار شاعىناۋدان جارىقسىز قالدى.
اپات «MAGNUM E-COMMERCE KAZAKHSTAN» ج ش س تاپسىرىسى بويىنشا مپ گازەنەردجي ج ش س جۇرگىزگەن گاز قۇبىرىن كولدەنەڭ باعىتتا بۇرعىلاۋ (گنب) ادىسىمەن توسەۋ جۇمىستارى كەزىندە بولعان، - دەپ حابارلايدى Aqshamnews.kz.
ءتۇنى بويى ماماندار كۇشەيتىلگەن رەجيمدە جۇمىس ىستەدى.
00:15-تە ءبىر جەلى تولىق قالپىنا كەلتىرىلىپ، ءبىرقاتار تۇتىنۋشىعا ەلەكتر قۋاتى بەرىلدى.
14 قاراشا تاڭەرتەڭ جارىق سايالى، اقبۇلاق، زەردەلى شاعىناۋداندارىنا، سونداي-اق سوفيا، ارەنا پارك تۇرعىن ءۇي كەشەندەرىنە جانە ءىشىنارا اقكەنت پەن دارابوز تۇرعىن ءۇي كەشەندەرىنە بەرىلدى.
قازىرگى تاڭدا جارىقسىز قالىپ وتىرعان اۋماقتار: تەرەكتى شاعىناۋدانى (5 كوشە)، العاباس شاعىناۋدانى (5 كوشە)، اقكەنت شاعىناۋدانىنداعى 10 ءۇي، نۇركەنت شاعىناۋدانىنداعى 14 ءۇي.
ءقازىر زاقىمدانعان اۋماقتى قالپىنا كەلتىرۋ ماقساتىندا قازبا جۇمىستارى جۇرگىزىلىپ جاتىر. جەر قازۋ جۇمىسى اياقتالعاننان كەيىن بريگادالار مۋفتا ورناتىپ، جەلىنى تولىق قالپىنا كەلتىرۋگە كىرىسەدى.
بۇگىن 18:00-گە دەيىن ەلەكتر قۋاتىمەن جابدىقتاۋ تولىق قالپىنا كەلتىرىلەدى.