الماتىدا كريمينالدىق پوليسيا قىزمەتكەرلەرى پاتەر توناۋمەن اينالىسقان قىلمىستىق توپتى قۇرىقتادى.
الماتى وبلىسىنىڭ ءۇش تۇرعىنىنىڭ قالاداعى پاتەر ۇرلىعىنىڭ كەمىندە بەس ەپيزودىنا قاتىسى بار ەكەندىگى بەلگىلى بولدى، دەپ حابارلايدى aqshamnews.kz Polisia.kz-كە سىلتەمە جاساپ.
ولار سوڭعى قىلمىسىن پاتەرلەردىڭ بىرىندە جاساعان، سول كەزدە پاتەر يەسى كۇتپەگەن جەردەن كەلىپ قالعان. قاسكويلەر ونىڭ بەتىنە بۇرىش سپرەيىن شاشىپ، وقيعا ورنىنان قاشىپ كەتكەن.
- ۇستالعانداردىڭ ەكەۋى بوتەننىڭ مۇلكىن ۇرلاعانى ءۇشىن بۇرىن قىلمىستىق جاۋاپكەرشىلىككە تارتىلعان. ءقازىر ۇشەۋى دە ۋاقىتشا ۇستاۋ يزولياتورىندا وتىر. ولارعا قاتىستى تەرگەۋ امالدارى جۇرگىزىلىپ، جەدەل ءىس-شارالار جالعاسۋدا، - دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.
ءتارتىپ ساقشىلارى ۇستالعانداردىڭ قالاداعى پاتەر ۇرلىعىنىڭ باسقا دا وقيعالارىنا قاتىسى بار-جوعىن تەكسەرىپ جاتىر.
اقپارات كوزى Polisia.kz سايتىندا: https://polisia.kz/almatyda-pater-urylarynyng-qylmystyq-toby-ustaldy/