2025 جىلعى 5 ماۋسىم مەن 30 ماۋسىم ارالىعىندا قۇرىلىس جۇمىستارىنا بايلانىستى وڭعارسىنوۆا كوشەسىنىڭ قوجابەكوۆ كوشەسىنەن اقبەرەن كوشەسىنە دەيىنگى بولىگىندە كولىك قوزعالىسى ۋاقىتشا شەكتەلەدى، دەپ حابارلايدى aqshamnews.kz ءتىلشىسى. بۇل تۋرالى الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسىنان حابارلادى.
بۇل شەكتەۋ مەگاپوليستە جۇزەگە اسىرىلىپ جاتقان «الماتى قالاسىنىڭ باتىس كارىز كوللەكتورىن سالۋ» جوباسىنا بايلانىستى ەنگىزىلىپ وتىر. جوبا اياسىندا ماگيسترالدى كارىز كوللەكتورىن توسەۋ جۇمىستارى جۇرگىزىلمەك.
قوزعالىسقا ۋاقىتشا شەكتەۋ ەنگىزىلگەن ۋاقىت ارالىعىندا كولىك قوزعالىسى بالاما باعىتتار نەسىبە، بەس ارىس، ءبورىلى بايراق، قوجابەكوۆ جانە اقبەرەن كوشەلەرى ارقىلى جۇزەگە اساتىن بولادى.
باسقارمانىڭ مالىمەتىنشە، جوبا اياسىندا جالپى ۇزىندىعى 34،9 شاقىرىم بولاتىن ماگيسترالدى كارىز كوللەكتورى سالىنادى. بۇل جۇيە ناۋرىزباي جانە الاتاۋ اۋداندارىنىڭ 175 مىڭنان استام تۇرعىنىن، سونداي-اق الماتى وبلىسىنداعى قاراساي مەن ىلە اۋداندارىنداعى 20 مىڭعا جۋىق تۇرعىندى ورتالىقتاندىرىلعان كارىز جۇيەسىنە قوسۋعا مۇمكىندىك بەرەدى
ايتا كەتەيىك، قوزعالىستى شەكتەۋگە قاتىستى بارلىق اقپاراتتار Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىدەگى پاراقشالارىندا، سونداي-اق «2GIS» پەن «ياندەكس كارتا» سەرۆيستەرىندە قولجەتىمدى.
قۇرمەتتى قالا تۇرعىندارى مەن قوناقتارى، سىزدەردەن قوزعالىس باعىتتارىن الدىن-الا جوسپارلاۋدى جانە ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز!