الماتى اكىمى دارحان ساتىبالدى ناۋرىزباي اۋدانىنا جۇمىس ساپارىمەن باردى، - دەپ حابارلايدى aqshamnews.kz.
شۇعىلا شاعىناۋدانىندا 1200 ورىندىق مەكتەپتىڭ قۇرىلىسىن كوردى. "جايلى مەكتەپ" ۇلتتىق جوباسى اياسىندا سالىنىپ جاتقان نىسان مەكتەپ تاپشىلىعى ماسەلەسىن شەشۋگە مۇمكىندىك بەرەدى. قۇرىلىس جۇمىستارىن ۋاقىتىندا اياقتاپ، اۋماقتى كوركەيتۋ جونىندە تاپسىرما بەرىلدى.
"پرەمەرا" قازاندىعى كەڭەيتىلگەسىن قۋاتى ارتادى. اكىم جىلىتۋ ماۋسىمىنا دايىندىقتى ۋاقىتىندا اياقتاۋدى تاپسىردى.
№15 ينتەرناتتا قۇرىلىستىڭ مەرزىمىنەن كەشىگىپ جاتقانى انىقتالدى. مەردىگەرگە ناقتى ءىس-قيمىل جوسپارىن ءبىر اپتا ىشىندە ۇسىنۋ تاپسىرىلدى. ايتپەسە، كەلىسىمشارت بۇزىلىپ، سوتقا شاعىم بەرىلەدى.
قالا باسشىسى تۇرعىندار كەڭەس الىپ، ءوتىنىش بەرە الاتىن پوليسيانىڭ سەرۆيستىك ورتالىعىنىڭ جۇمىسىمەن تانىستى.
سونداي-اق، اكىم اۋدان تۇرعىندارىمەن كەزدەستى. كەزدەسۋدە ساۋدا ورتالىعى مەن تەاتر قۇرىلىسىنان باستاپ، رەتسىز اۆتوتۇراقتار مەن اۋلالاردى كوركەيتۋ ماسەلەسىنە دەيىنگى تاقىرىپتار تالقىلاندى.
ساپار ناتيجەسىندە الەۋمەتتىك نىسانداردىڭ قۇرىلىسىن جەدەلدەتۋ، كىرەبەرىس جولداردى جاقسارتۋ جانە بارلىق جۇمىستىڭ ساپاسىن باقىلاۋدى كۇشەيتۋ جۇكتەلدى.