سولتۇستىك قازاقستان وبلىسىنىڭ تايىنشا اۋدانىنا قاراستى كراسنوكامەنكا اۋىلىندا نايزاعاي سالدارىنان تۇرعىن ۇيدەن ءورت شىقتى، - دەپ حابارلايدى aqshamnews.kz ءتىلشىسى Qazaqstan Media-عا سىلتەمە جاساپ.
Qazaqstan Media مالىمەتىنشە، وقيعا 4 ماۋسىمدا بولعان. نايزاعاي سەليننايا كوشەسىندە ورنالاسقان جەكە تۇرعىن ءۇيدىڭ شاتىرىنا تۇسكەن. سونىڭ سالدارىنان ءبىر بولمەدەگى توبە مەن جيھاز ورتەنىپ كەتتى.
"وت 20 شارشى مەتر اۋماققا تارالىپ كەتكەن. وقيعا ورنىنا جەدەل جەتكەن تجد قىزمەتكەرلەرى ءورتتى دەرەۋ ءسوندىردى. زارداپ شەككەندەر جوق"، - دەلىنگەن وبلىستىق تجد باسپا ءسوز قىزمەتىنىڭ حابارلاماسىندا.
قۇتقارۋشىلار نايزاعاي ماۋسىمىندا قاۋىپسىزدىك شارالارىن ساقتاۋعا شاقىرادى. ماماندار تابيعي قۇبىلىستاردىڭ سالدارىن ەسكەرىپ، تۇرعىن ءۇي مەن ەلەكتر جۇيەلەرىن ءتيىستى قورعانىس قۇرالدارىمەن جابدىقتاۋ قاجەتتىن ەسكەرتەدى.