الماتى قالاسى جاستار ساياساتى باسقارماسىنىڭ قولداۋىمەن «دۇيسەنبىلىك سپورت» جوباسى شەڭبەرىندە «Social project management» ورتالىعى» قوعامدىق قورىنىڭ ۇيىمداستىرۋىمەن NEET ساناتىنداعى جاستار اراسىندا ۇستەل تەننيسىنەن تۋرنير ءوتتى.
بۇقارالىق سپورتتى دامىتۋ جانە جاستاردى قولداۋ ماقساتىنداعى اتالمىش ءىس-شاراعا بازاردا، ساۋدا ورتالىقتارىندا جۇمىس ىستەيتىن جانە جۇمىسسىز جۇرگەن 30 جاس ب ا ق سىنادى.
بۇعان دەيىن «دۇيسەنبىلىك سپورت» جوباسى اياسىندا الماتىلىق بازار جاستارىنىڭ اراسىندا شاعىن فۋتبولدان تۋرنير وتكەن بولاتىن. سايىسقا تۇسكەندەر اراسىندا بولاشاقتا ۇلكەن دودالاردا توپ جارۋدى ماقسات ەتكەندەر دە بار.
تۋرنير الماتى قالاسى الاتاۋ اۋدانىنداعى ADD ۇستەل تەننيسى ورتالىعىندا ءوتتى. اتالمىش ءىس-شاراعا «قازىنا»، «ارىستان»، «ارلان»، «سالامات»، «تيگراحاۋد» ت.ب ساۋدا ورتالىقتارىندا جۇمىس ىستەيتىن جىگىتتەر مەن جۇمىسسىز جاستار قاتىستى.
العاشقى ىرىكتەۋ كەزىندە ەكى توپقا ءبولىنىپ، ءوزارا ىرىكتەۋ ويىندارىن وتكىزدى. شيرەك فينال مەن جارتىلاي فينالدىق سايىسقا سۇرىنبەي جەتكەن جاستار اراسىنداعى ويىن تارتىستى ءوتتى. جارىس قورىتىندىسىندا 1-ورىندى «ارىستان» بازارىنىڭ ۇستەل تەننيسشىلەرى يەلەنىپ، 250 مىڭ تەڭگەنىڭ سەرتيفيكاتىن قانجىعاسىنا بايلادى. ال 2-ورىن العان «تيگراحاۋد» بازارىنىڭ جاستارى 150 مىڭ تەڭگەنىڭ سەرتيفيكاتىن ولجالادى. ءۇشىنشى ورىندى «جاڭا ياليان»، «سارىارقا» بازارىنىڭ ويىنشىلارى ءوزارا ءبولىسىپ، ءارقايسىسى 50 مىڭ تەڭگەنىڭ سەرتيفيكاتىن ەنشىلەدى.
ەندى الداعى ۋاقىتتا «دۇيسەنبىلىك سپورت» جوباسى اياسىندا NEET ساناتىنداعى جاستار اراسىندا باسكەتبولدان، ۆولەيبولدان كەمىندە 16 كوماندانىڭ، ال كيبەرسپورت بويىنشا 30 ويىنشىنىڭ قاتىسۋىمەن تۋرنير ۇيىمداستىرىلماق.
جەڭىمپازدارعا اقشالاي سەرتيفيكاتتار مەن مەدال، كۋبوكتاردى ۇستەل تەننيسىنەن حالىقارالىق سپورت شەبەرى يگور مەدۆەديەۆ تابىس ەتتى. تۋرنيرگە بەلگىلى سپورت شەبەرى الەكسەي تيمچەنكو تورەلىك جاسادى.