مەملەكەت مەنشىگىنە قايتارىلعان 12،2 ملن گەكتار جەردىڭ جارتىسى يگەرۋگە بەرىلدى، - دەپ حابارلايدى aqshamnews.kz.
بۇل مالىمەتتەر 5 ماۋسىمدا ۇكىمەت ۇيىندە پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك ءجۇمانعاريننىڭ توراعالىعىمەن وتكەن جەر رەسۋرستارىن ۇتىمدى پايدالانۋ ماسەلەلەرى جونىندەگى رەسپۋبليكالىق كوميسسيا وتىرىسىندا ايتىلدى.
اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ (جربك) مالىمەتىنشە، 2022–2024 جىلدارى مەملەكەتتىك مەنشىككە قايتارىلعان 12،2 ملن گەكتار جەردىڭ 5،9 ملن گەكتارى قايتا ءبولىندى. ونىڭ ىشىندە، ەلدى مەكەن ماڭىنداعى 2 ملن گەكتار جايىلىم جەرگىلىكتى حالىقتىڭ مال جايۋى ءۇشىن ورتاق پايدالانۋعا بەرىلدى. قالعان 3،9 ملن گەكتار جەر اۋىل شارۋاشىلىعى تاۋار وندىرۋشىلەرى اراسىندا كونكۋرس ارقىلى تاراتىلدى. سوڭعى ءۇش جىلدا جەرگىلىكتى ينسپەكسيالاردىڭ ارالاسۋىنان كەيىن بۇرىن پايدالانىلماي جاتقان 3،8 ملن گەكتار جەردى بۇرىنعى جەر يەلەرى قايتا يگەرە باستادى.
2025 جىلى مەملەكەتتىك مەنشىككە قايتارىلۋى جوسپارلانعان 2 ملن گەكتار اۋىل شارۋاشىلىعى اينالىمىنداعى جەردىڭ ءقازىردىڭ وزىندە 979،1 مىڭ گەكتارى قايتارىلدى.