قارجى نارىعىن رەتتەۋ اگەنتتىگى ءتورت ميكروقارجى ۇيىمىنىڭ ليسەنزياسىن 3 ايعا توقتاتتى، - دەپ حابارلايدى aqshamnews.kz.
اگەنتتىك ميكروقارجىلىق قىزمەتتى جۇزەگە اسىراتىن كەلەسى ۇيىمداردىڭ ليسەنزيالارىن 3 اي مەرزىمگە توقتاتتى:
- مقۇ "Hava Finance" (حاۆا فينانس)" ج ش س - №35 بۇيرىق؛
- "مقۇ "POS Credit" (پوس كرەديت)" ج ش س - №36 بۇيرىق؛
- "مقۇ "SF Offline" (سف وففلاين)" ج ش س - №37 بۇيرىق؛
- "مقۇ "سالەم كرەديت" ج ش س - №38 بۇيرىق.
ميكروقارجىلىق قىزمەت تۋرالى" زاڭىنىڭ 16-بابى 1 تارماعىنىڭ 2) تارماقشاسىنا سايكەس ليسەنزيانىڭ قولدانىلۋىن توقتاتۋعا پرۋدەنسيالدىق نورماتيۆتەر جانە وزگە دە مىندەتتى نورمالار مەن ليميتتەردى بۇزۋ نەگىز بولدى.
"ەندى ميكروقارجىلىق ۇيىمدار جاڭا ميكروكرەديتتەر بەرە المايدى، قولدانىستاعى شارتتاردىڭ مەرزىمىن ۇزارتا المايدى نەمەسە بورىشكەرلەرگە جۇكتەمەنى ارتتىرا المايدى. الايدا ولار كليەنتتەر الدىنداعى ءوز مىندەتتەمەلەرىن ورىنداۋعا مىندەتتى"، - دەلىنگەن حابارلامادا.
اگەنتتىك ميكروقارجىلىق ۇيىمدار الدىندا بەرەشەگى بار ازاماتتاردىڭ ميكروكرەديتتەرىن وتەۋدى جالعاستىرۋى ءتيىس ەكەنى اتاپ ءوتتى.