اتىراۋ وبلىسى قۇلسارىدا 7 جاسار قىزدى ءولتىردى دەگەن كۇدىكپەن 36 جاستاعى ەر ادام ۇستالدى، - دەپ حابارلايدى aqshamnews.kz ءتىلشىسى.
5 ماۋسىمدا شامامەن ساعات 12:00-دە قۇلسارىدا 2018 جىلى تۋعان قىز ۇيىنەن شىعىپ كەتىپ، قايتا ورالماعان. ونىڭ اتا-اناسى بىردەن پوليسياعا جۇگىنگەن.
جەدەل-ىزدەستىرۋ ءىس-شارالارىنىڭ ناتيجەسىندە 6 ماۋسىمدا تۇنگى ساعات 02:19 شاماسىندا بالانىڭ دەنەسى قۇرساي وزەگىنەن تابىلدى.
بالانى ءولتىردى دەگەن كۇدىكپەن قۇلسارىنىڭ 36 جاستاعى تۇرعىنى جەدەل ۇستالدى. ول ۋاقىتشا ۇستاۋ يزولياتورىنا قامالىپ، سوت سانكسياسىمەن قاماۋعا الىندى.
بۇل دەرەك بويىنشا قىلمىستىق ءىس قوزعالدى. ءقازىر وقيعانىڭ بارلىق ءمان-جايىن انىقتاۋ ماقساتىندا تەرگەۋ جۇرگىزىلىپ جاتىر.
پوليسيا مۇنداي اۋىر قىلمىستار ءۇشىن زاڭدا ەڭ قاتاڭ جازا قاراستىرىلعانىن ەسكەرتەدى.
قىلمىستىق ءىستىڭ تەرگەلۋى اتىراۋ وبلىستىق پوليسيا دەپارتامەنتى باستىعىنىڭ ەرەكشە باقىلاۋىندا.