بۇگىن اۋا رايى قانداي بولادى؟

سينوپتيكتەر 6 ماۋسىمعا ارنالعان اۋا رايى بولجامىن ۇسىندى، - دەپ حابارلايدى aqshamnews.kz "قازگيدرومەت" رمك-عا سىلتەمە جاساپ.

سيكلون مەن سوعان بايلانىستى اتموسفەرالىق فرونتال بولىكتەر قازاقستاننىڭ باسىم بولىگىنە ىقپال ەتەدى، نايزاعاي ويناپ، جاڭبىر، بۇرشاق جاۋىپ، ەلدىڭ باتىسىندا، سولتۇستىك-باتىسىندا، سولتۇستىگىندە بۇرشاق بولادى، باتىسىندا قاتتى جاڭبىر جاۋادى. سونىمەن قاتار، رەسپۋبليكا بويىنشا جەل كۇشەيىپ، ەلدىڭ وڭتۇستىگىندە شاڭدى داۋىل سوعادى. تەك ەلىمىزدىڭ ورتالىعىندا جانە شىعىسىندا جاۋىن-شاشىنسىز اۋا رايى بولۋى مۇمكىن.

تۇندە جانە تاڭەرتەڭ قازاقستاننىڭ سولتۇستىگىندە، سولتۇستىك-باتىسىندا تۇمان تۇسەدى.

استانادا اۋا رايى قۇبىلمالى بۇلتتى، جاۋىن-شاشىنسىز بولادى. وڭتۇستىك-باتىستان سوعاتىن جەل سولتۇستىك-باتىستان تۇندە 1-6، كۇندىز 9-14 م/س جەتەدى. اۋا تەمپەراتۋراسى تۇندە 12-14، كۇندىز 28-30 گرادۋس جىلى بولادى.

الماتىدا اۋا رايى قۇبىلمالى بۇلتتى، جاۋىن-شاشىنسىز بولادى. وڭتۇستىك-شىعىستان 3-8 م/س جەل سوعادى. اۋا تەمپەراتۋراسى تۇندە 20-22، كۇندىز 32-34 گرادۋس جىلى بولادى.

شىمكەنتتە اۋا رايى قۇبىلمالى بۇلتتى، جاۋىن-شاشىنسىز بولادى. وڭتۇستىك-باتىستان سوعاتىن جەلدىڭ كۇشى 8-13، كۇندىز ەكپىنى 15-20 م/س جەتەدى. اۋا تەمپەراتۋراسى تۇندە 21-23، كۇندىز 35-37 گرادۋس جىلى بولادى.