جاز – بالالار مەن جاسوسپىرىمدەر ءۇشىن ەڭ قۋانىشتى ءارى ۇمىتىلماس مەزگىلدەردىڭ ءبىرى. بۇل دەمالىس - ۇزاق وقۋ جىلىنان كەيىن مەكتەپ وقۋشىلارىنىڭ دەنساۋلىعىن نىعايتۋ مەن وسىپ-وركەندەۋى. جازعى لاگەر – وسىنداي مۇمكىندىكتەردىڭ بارلىعى شوعىرلانعان ەرەكشە ورىن. جازعى لاگەر بالالاردىڭ دامۋىنا وڭ اسەر ەتەدى، سونىمەن قاتار كوپبالالى وتباسىلاردىڭ بالالارى ءۇشىن ۋاقىتتى ءتيىمدى پايدالانۋدىڭ قولايلى ءساتى.
بيىلعى وقۋ جىلىندا №172 مەكتەپ-گيمنازياسىنىڭ باستاۋىش سىنىپ وقۋشىلارىنا مەكتەپ جانىنداعى تەگىن ىستىق تاماقپەن قامتاماسىز ەتىلگەن «بالداۋرەن» جازعى لاگەر ۇيىمداستىرىلدى. اشىلۋ سالتاناتىنا مەكتەپ باسشىسى چورمانوۆا اليا سبانقۇل قىزى ءوزى قاتىسىپ، بالالارعا جىلى لەبىزىن جەتكىزىپ، دەمالىستارىنىڭ قىزىقتى وتۋىنە تىلەكتەس بولدى.
لاگەردىڭ كۇندەلىكتى جوسپار بويىنشا تاڭەرتەڭگى فلەشموبتار ۇيىمداستىرىلادى. سىنىپ جەتەكشىلەر بالالاردىڭ دەمالىسى كوڭىلدى، قۋانىشقا تولى بولۋى ءۇشىن كۇش-جىگەرىن، شىعارماشىلىق قابىلەتتەرىن اياماي، ءار كۇنگە جوسپارلانعان قىزىقتى مەرەكەلىك ءىس-شارالار ۇيىمداستىرادى. تابيعات اياسىندا توپتىق، سپورتتىق ويىندار، ساياحاتتار وتكىزىلىپ، دۇنيەتانىمدارىن كەڭەيتۋ ماقساتىندا كونسەرت زالىندا 3D فورماتىندا ءتۇرلى فيلمدەر كورسەتىلەدى. ءتۇرلى تاقىرىپتاعى اسفالت بەتىنە سۋرەت سالۋ بايقاۋلارى ۇيىمداستىرىلادى. «مىقتى جانە باتىل» سپورتتىق ەستافەتالارىندا بالالاردىڭ اسا بەلسەندىلىكتەرى بايقالادى. سىنىپ جەتەكشىلەردىڭ ۇيىمداستىرۋىمەن جۇرگىزىلگەن ءتۇرلى «ۇستەل ءۇستى» ويىندارى بالالارعا قىزىقتى. ۇلتتىق مۇراجايعا ساياحات ەرەكشە اسەر سىيلايدى.
لاگەردەگى بالالاردىڭ تاماقتانۋى باستى نازاردا. «اس-ادامنىڭ ارقاۋى» دەمەكشى، بالالارعا كۇن سايىن اس مازىرىنە ساي ءتۇرلى تاعامدار دايىندالادى. بالالاردى تاماقتاندىرۋ راسيونىندا ۆيتاميندى-مينەرالدىق كەشەنمەن بايىتىلعان تاماق ونىمدەرى كوزدەلەدى.
مەكتەپ جانىنداعى جازعى لاگەر ءار بالانىڭ تالانتىن اشۋعا جانە دامىتۋعا كومەكتەسەدى جانە دوستارىمەن بىرگە سۇيىكتى ىسىمەن اينالىسۋعا مۇمكىندىك بەرەدى. مۇنىڭ ءبارى جەتكىنشەكتەردىڭ قىزىعۋشىلىعى مەن شىعارماشىلىق قابىلەتتەرىن دامىتۋعا ىقپال ەتەدى. ولارعا زەرتتەۋلەر مەن بەلسەندى تانىمدىق ءىس-شارالارعا قاتىسۋعا مۇمكىندىك بەرەدى. ءار بالانىڭ قاۋىپسىزدىگى باستى نازاردا.
ءار وتكىزىلگەن ءىس-شارا اتا-انالاردىڭ كەلىسىمىمەن جۇرگىزىلىپ، كەرى بايلانىس رەتىندە فوتو مەن ۆيدەو ەسەپتەر جاسالىنادى. بالالاردىڭ جازعى لاگەردە ءتيىمدى ءارى قىزىقتى وتكىزگەن ۋاقىتى اتا-انالاردىڭ كوڭىلىنەن شىعىپ، العىسىن بىلدىرۋدە.
وسىلايشا لاگەردىڭ ءاربىر كۇنى ءساندى دە ءماندى وتۋدە. بۇل تۇستا بالالاردىڭ دەمالىستارىن تاماشا وتكىزۋىنە ۇلەس قوسقان سىنىپ جەتەكشىلەردىڭ ەڭبەكتەرىن ايتا كەتكەن ءجون، سەبەبى بالالاردىڭ كوڭىلدى دەمالىپ جاتقاندىعى جۇزدەرىنەن كورىنىپ تۇرادى.