تۋريزم جانە سپورت مينيسترلىگى جىل باسىنان بەرى سپورت سالاسىندا قانداي جەتىستىككە جەتكەنىمىزدى ايتتى، - دەپ حابارلايدى aqshamnews.kz.
2025 جىلدىڭ باسىنان باستاپ قازاقستان قۇراماسىنىڭ وليمپيادالىق، پاراليمپيادالىق، وليمپيادالىق ەمەس جانە ۇلتتىق سپورت تۇرلەرىننەن حالىقارالىق جارىستاردا قول جەتكىزگەن تاريحي جەتىستىكتەرى مەن مەدالدار جيىنىن ۇسىنامىز:
پاراليمپيادالىق جانە سۋردليمپيادالىق سپورت
ءقاڭتار-ساۋىر ايلارىندا پارا جانە سۋردو سپورتشىلار 68 مەدال ەنشىلەدى - 30 التىن، 19 كۇمىس، 19 قولا.
بۇل تىزىمدە قازاقستان تاريحىندا تۇڭعىش رەت پارا بياتلونىنان الەم كۋبوگىنىڭ قورىتىندىسى بويىنشا حرۋستال گلوبۋستىڭ يەگەرى اتانعان ەربول حاميتوۆتىڭ جەڭىسىن ەرەكشە اتاپ وتكەن ءجون.
وليمپيادالىق سپورت تۇرلەرى
وليمپيادالىق سپورت تۇرلەرىنىڭ وكىلدەرى ەل قورجىنىن 227 مەدالمەن تولىقتىردى، ونىڭ ىشىندە:
— 189 مەدال جازعى سپورت تۇرلەرى بويىنشا (62 التىن، 66 كۇمىس، 62 قولا)
— 38 مەدال قىسقى سپورت تۇرلەرى بويىنشا (8 التىن، 17 كۇمىس، 13 قولا)
باستى وقيعالاردىڭ ءبىرى — سەربيادا وتكەن بوكستان ايەلدەر اراسىنداعى الەم چەمپيوناتى. بۇل سىندا نازىم قىزايباي قازاقستان بوكسىنىڭ تاريحىندا بىرەگەي جەتىستىككە قول جەتكىزىپ، ءۇش دۇركىن الەم چەمپيونى اتاندى.
سونداي-اق ماڭىزدى جەتىستىكتەردىڭ تاعى ءبىرى – ميحايل شايدوروۆتىڭ بوستوندا وتكەن مانەرلەپ سىرعاناۋدان الەم چەمپيوناتىندا قول جەتكىزگەن كۇمىس مەدالى. بۇل جەتىستىك ارقىلى قازاقستان ميلان-2026 وليمپياداسىنا جولداما ەنشىلەدى.
كونكيشى ەۆگەنيي كوشكين ەكى مارتە الەم كۋبوگىنىڭ كەزەڭىندە جەڭىمپاز اتانىپ، 100 مەتر قاشىقتىقتا بەيرەسمي الەمدىك رەكورد ورناتتى.
وليمپيادالىق ەمەس سپورت تۇرلەرى
بۇل باعىت بويىنشا قازاقستاندىق سپورتشىلارلىڭ قورجىنىندا 50 مەدال بار — 31 التىن، 14 كۇمىس، 5 قولا.
ۇلتتىق سپورت تۇرلەر
قازاقستان قۇرماسى تىڭعىلىقتى دايىندىقتىڭ ناتيجەسىندە الەم جانە ازيا چەمپيوناتتارىندا 47 (29 التىن،8 كۇمىس، 9 قولا) مەدال ەنشىلەدى:
- قازاق كۇرەسى: 20 مەدال — 16 التىن، 2 كۇمىس، 2 قولا
- جامبى اتۋ: 5 مەدال — 1 التىن، 2 كۇمىس، 2 قولا
- ءداستۇرلى ساداق اتۋ: 12 مەدال — 3 التىن، 3 كۇمىس، 6 قولا
- تەڭگە ءىلۋ: 4 مەدال — 3 التىن، 1 كۇمىس
- اۋدارىسپاق: 6 التىن - بارلىق سانات بويىنشا التىن جۇلدە.
2025 جىلدىڭ ءقاڭتار-ساۋىر ايى ارالىعىنداعى جالپى قورتىندى:
392 مەدال، ونىڭ ىشىندە:
- — 160 التىن
- — 124 كۇمىس
- — 108 قولا