10-17 ناۋرىز ارالىعىندا الماتىدا زاڭسىز جۇرگەن ازاماتتاردى انىقتاۋ جانە قالادا كريمينوگەندىك جاعدايدى جاقسارتۋ ماقساتىندا «ميگرانت» رەسپۋبليكالىق جەدەل الدىن الۋ ءىس-شاراسى وتۋدە، دەپ حابارلايدى اlmaty-akshamy.kz قازاقپاراتقا سىلتەمە جاساپ.
ءىس-شارانىڭ ءتورت كۇنىندە ق ر كوشى-قون زاڭناماسىن بۇزعان 1 263 ادام انىقتالدى جانە اكىمشىلىك جاۋاپكەرشىلىككە تارتىلدى.
«قازاقستان رەسپۋبليكاسى اۋماعىنان 101 شەتەلدىك، ونىڭ ىشىندە جەتى ادام ازاماتتىق سوت ءىسىن جۇرگىزۋ ارقىلى ەلدەن شىعارىلدى. قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن 951 شەتەلدىك اكىمشىلىك، شەتەلدىكتەردىڭ قازاقستان رەسپۋبليكاسىندا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 282 قابىلداۋشى تاراپ جاۋاپكەرشىلىككە تارتىلدى. قازاقستان رەسپۋبليكاسىنا شەتەلدىك جۇمىس كۇشىن تارتۋ ەرەجەلەرىن بۇزعان 30 جۇمىس بەرۋشى دە جازالاندى. سونىمەن قاتار، زاڭسىز كوشى-قون ارناسىن ۇيىمداستىرۋدىڭ 6 دەرەگى انىقتالدى جانە تىركەلدى»، – دەدى الماتى قالالىق پوليسيا دەپارتامەنتىنىڭ كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
قۇقىق بۇزۋشىلاردىڭ اراسىندا قولىنا ەمىزۋلى ءسابيىن ۇستاپ، بازاردا قايىرشىلىقپەن اينالىسقان 26 جاستاعى وزبەكستان ازاماتشاسى دا بار.
سونداي-اق، 2017 جىلدان بەرى قازاقستان رەسپۋبليكاسىنىڭ اۋماعىندا جەكە باسىن كۋالاندىراتىن قۇجاتسىز جانە تۇراقتى تۇرعىلىقتى جەرى جوق بولىپ جۇرگەن 50 جاستاعى وزبەكستان ازاماتىنا قاتىستى اكىمشىلىك شارا قولدانىلدى. سوت شەشىمىمەن ول ەل اۋماعىنان شىعارىلدى.