باستاۋىش سىنىپ وقۋشىلارىنا ارنالعان شارا م.مامەتوۆا اتىنداعى №28 مەكتەپ-ليسەيىندەگى وندىرىستىك تاجىريبە اياسىندا ۇيىمداستىرىلدى، دەپ حابارلايدى اlmaty-akshamy.kz.
الماتىدا م.مامەتوۆا اتىنداعى №28 مەكتەپ-ليسەيىندە اباي ۋنيۆەرسيتەتىنىڭ ستۋدەنتتەرىنىڭ ۇيىمداستىرۋىمەن باستاۋىش سىنىپ وقۋشىلارىنا ارنالعان STEM فەستيۆالى ءوتتى.
ءىس-شارانىڭ ماقساتى – وقۋشىلار مەن ستۋدەنتتەردىڭ STEMء-بىلىم بەرۋگە دەگەن قىزىعۋشىلىعىن ارتتىرۋ، بالالاردىڭ قىزىعۋشىلىعىن قولداۋ جانە دامىتۋ، عىلىم، تەحنولوگيا، ينجەنەريا، ماتەماتيكا جانە كۇندەلىكتى ءومىر اراسىنداعى بايلانىستى كورسەتۋ. فەستيۆال باعدارلاماسى جوعارى سىنىپ وقۋشىلارىنىڭ جەتەكشىلىگىمەن بالالاردىڭ STEM (عىلىم، تەحنولوگيا، ينجەنەرلىك، ماتەماتيكا) ستانسيالارى ارقىلى قىزىقتى ساياحاتىن قامتىدى.ولاردىڭ كومەگىمەن باستاۋىش مەكتەپ وقۋشىلارى لوگيكالىق ەسەپتەردى شەشىپ، عىلىمي تاجىريبەلەر مەن فوكۋستار جاساپ، قۇراستىردى.
STEM-فەستيۆال قورىتىندىسى بويىنشا ءار وقۋشى قاتىسۋشى ديپلومىن، 10 سىنىپ وقۋشىلارى مودەراتور ديپلومىن، ءمۇعالىم مەن اتا-انالار ۇيىمعا كورسەتكەن كومەگى ءۇشىن العىس حاتپەن ماراپاتتالدى. فەستيۆال جاس وقۋشىلار ءۇشىن مازمۇندى جانە جارقىن، قىزىقتى وقيعالارعا تولى بولدى.
